ខេត្តកែប ៖ ព្រះពុទ្ធរូបមួយអង្គប្រក់រូបនាគនៅពីលើព្រះកេស ត្រូវបានអ្នកសាងសង់កសាងបានរួចរាល់ជិត១០០%ទៅហើយ។ ហើយរូបបែបសាសនានេះ ត្រូវគេសម្រេចយកទៅធ្វើជាពិធីអភិសេកឆាប់ៗខាងមុខនេះ ស្ថិតលើជំរាលភ្នំមួយក្បែរមាត់សមុទ្រ នៃទឹកដីខេត្តកែប។ ប៉ុន្តែបែរជាចេញនូវភាពផ្ទុះគំនិតយោបល់ផ្សេងៗគ្នា របស់អ្នកលេងបណ្តាញសង្គមហ្វេសប៊ុកបានទស្សនា។…
ខេត្តកែប ៖ ព្រះពុទ្ធរូបមួយអង្គប្រក់រូបនាគនៅពីលើព្រះកេស ត្រូវបានអ្នកសាងសង់កសាងបានរួចរាល់ជិត១០០%ទៅហើយ។ ហើយរូបបែបសាសនានេះ ត្រូវគេសម្រេចយកទៅធ្វើជាពិធីអភិសេកឆាប់ៗខាងមុខនេះ ស្ថិតលើជំរាលភ្នំមួយក្បែរមាត់សមុទ្រ នៃទឹកដីខេត្តកែប។ ប៉ុន្តែបែរជាចេញនូវភាពផ្ទុះគំនិតយោបល់ផ្សេងៗគ្នា របស់អ្នកលេងបណ្តាញសង្គមហ្វេសប៊ុកបានទស្សនា។ យ៉ាងណាគេរំពឹងថា ព្រះពុទ្ធរូបនេះនឹងក្លាយជាកន្លែងទេសចរណ៍បន្ថែមទៀត នៅតំបន់មាត់សមុទ្រកែប ដែលកំពុងពេញនិយម។
តាមរយៈគណនីហ្វេសប៊ុកឈ្មោះ Samnang Dyna បានបង្ហោះរូបថតបង្ហាញនៅទិដ្ឋភាពរូបបដិមាព្រះពុទ្ធដ៏ធំ ដែលមាននៅក្នុងវត្តសត្ថាធម្មវិហារ ក្នុងនោះលោកបានរៀបរាប់ថា «ខេត្តកែប បដិមាព្រះពុទ្ធរូបប្រក់នាគកម្ពស់15ម៉ែត្រ ស្ថិតក្នុងវត្តសត្ថាធម្មវិហារ ហៅ (វត្តភ្នំពោន) សាងសង់បាន 98 ភាគរយហើយ សូមអនុមោទនា ។ សូមឧទ្ទិសថ្វាយដល់ព្រះពុទ្ធសាសនា និងជូនដល់កម្ពុជា សូមឲកម្ពុជាសម្បូរដោយព្រះពុទ្ធបដិមាធំៗគ្រប់ខេត្ត-ក្រុងទូទាំងប្រទេសកម្ពុជា»។
ក្រោយពេលមានការបង្ហោះចែកចាយមក មានការចេញយោបល់គ្នាពេញបណ្តាញសង្គម និងខ្លះថា «ព្រះពុទ្ធរូបព្រះអង្គ មិនមែនជារបស់ខ្មែរ ជាអ្នកសាងសង់ទៀតផង»។ ទស្សនៈម្ចាស់អាក់ខោនមួយនិយាយថា «នេះជារចនាបថសម័យអង្គរ ដែលសៀមលួចយកពីខ្មែរទៅ ឧប្បដិក ជានាគជ្វា ទៅជារបស់សៀម ច្រើនតែលេងក្បាច់ភ្ញីភ្លើង ។ ខ្មែរយើងច្រើនតែប្រក់ដំបូល និងសសររចនាបទល្អឆើត ឯរចនាបថខ្មែរមើលយូររស់ ។ គេលួចរបស់យើងទៅច្នៃអោយឆើត។ ឯយើងឃើញស្អាត បែរជាលួចពីគេវិញ»។
អាក់ខោនមួយទៀត បង្ហាញសំណេរថា «មើលមួយភ្លែត ស្រដៀងរបស់សៀម តែមើលយូរៗទៅបានដឹងថា ជារបស់ខ្មែរសុទ្ធសាធ»។ បន្ថែមពីនេះ មានអ្នកលើកសរសើរថា «ជាងដែលបានច្នៃមានទឹកដៃចំណាន និងចង់អោយទីអារាមនៅកម្ពុជាមានរូបព្រះច្រើនបន្តទៀត»។
លោកសុខ សំណាង ម្ចាស់អាក់ខោនដែលបានបង្ហោះបានឆ្លើយតបថា « សូមអរគុណដល់បងប្អូនជនរួមជាតិដែលចាប់អារម្មណ៍ព្រះពុទ្ធបដិមាអង្គធំប្រក់នាគ ដែលកសាងនៅវត្តភ្នំពោន ខេត្តកែប គឺជាទឹកព្រះទ័យព្រះគ្រូចៅធិការវត្ត ផាត់ ធួក ព្រះមេគណខេត្តកែប ជាអ្នកផ្តើមកសាងឡើង ជាមួយខ្ញុំបាទជាអ្នកមើលការខុសត្រូវ និងរួមចំណែកកសាងនេះឡើងដោយបានថវិការពីពុទ្ធបរិស័យគ្រប់ទិសទីក្នុងប្រទេស និងក្រៅប្រទេស ។
ចំពោះរចនាបទ គឺខ្មែរសុទ្ធសាធពីបុរាណមួយទៀត រឿងសាងក្បាលពស់ ឬក្បាលនាគ ក្បាល១ ក្បាល៣ ៥ ៧ និងក្បាល៩ មិនសំដៅថា ប្រទេសនោះ ប្រទេសនេះទេ ប្រវត្តិរឿងពុទ្ធប្រវត្តិតែមួយ ការសាងសង់វាអាស្រ័យទៅលើពុទ្ធបរិស័ទជាម្ចាស់ជាអ្នកសាង ស្រលាញ់ចូលចិត្តសម្រាប់ឧទ្ធិសអ្វីមួយ ។ ឧទាហណ៍ ៖ ក្បាល១ គឺរឿងពិតពីធម្មជាតិសត្វក្បាល១ ឬតំណាងព្រះពុទ្ធសាសនា, ក្បាល៣ តំណាងព្រះរតនៈត្រ័យ, ក្បាល៥ តំណាងព្រះរតនៈត្រ័យ និងគុណមាតា។ល។ ចឹងសូមបងប្អូនជ្រាបជាព័ត៌មាន។ សូមអរគុណជាថ្មីម្តងទៀត ដល់បងប្អូនជនរួមជាតិទាំងអស់ដែលបានចាបអាម្មណ៍ សូមជួយចែករំលេងផង »។
លោកសំណាង ប្រាប់បន្តថា «ចង់អោយ មានព្រះពុទ្ធរូបនៅខាងក្រៅព្រះវិហារអោយច្រើន ដើម្បីលើកកម្ពស់វិស័យសាសនា។ បំណងរបស់លោកចង់អោយអ្នកមកទស្សនាខេត្តកែប មកលេងកម្សាន្តនៅលើជម្រាលភ្នំវត្តនេះ ពិតជាបានទស្សនាផ្ទៃទេសភាពទឹកសមុទ្រ សព្វបែបយ៉ាង ពិតជាល្អហើយបានមកអុជធូបបន់ស្រន់សុំសេចក្តីសុខផងដែរ។ គ្រាន់តែលោក អ្នកមកលើភ្នំនេះ ពិតជាស្រស់ស្រាយជាមួយទេសភាពដ៏ស្រស់ត្រកាល។
ចែករំលែកព័តមាននេះ