ចិន ៖ ការប្រកួតបាល់ទាត់នៅលីគកំពូលចិន Chinese Super League បានអនុញ្ញាតអោយអ្នកគាំទ្រចូលរួមទស្សនាផ្ទាល់ កាលថ្ងៃសៅរ៍ជាលើកដំបូង បន្ទាប់ពីត្រូវហាមឃាត់ចាប់តាំងពីមានការរីករាលដាលនៃវីរុសឆ្លងកូវីដ១៩។ វាត្រូវបានមើលឃើញថា…
ចិន ៖ ការប្រកួតបាល់ទាត់នៅលីគកំពូលចិន Chinese Super League បានអនុញ្ញាតអោយអ្នកគាំទ្រចូលរួមទស្សនាផ្ទាល់ កាលថ្ងៃសៅរ៍ជាលើកដំបូង បន្ទាប់ពីត្រូវហាមឃាត់ចាប់តាំងពីមានការរីករាលដាលនៃវីរុសឆ្លងកូវីដ១៩។
វាត្រូវបានមើលឃើញថា ជាការអភិវឌ្ឍដ៏សំខាន់មួយសម្រាប់បាល់ទាត់នៅក្នុងប្រទេសចិន។ ដោយបានបើកឱ្យមានអ្នកគាំទ្ររហូតដល់ ២ពាន់នាក់ចូលរួមទស្សនាការប្រកួតក្នុងជំនួបដែលក្រុម Shanghai SIPG យកឈ្នះលើក្រុម Beijing Guoan ដោយលទ្ធផល ២-១។
ប្រធានកីឡាបាល់ទាត់នៅក្នុងប្រទេសចិន គ្រោងនឹងអនុញ្ញាតឱ្យមានចំនួនអ្នកទស្សនាច្រើនជាងនេះ សម្រាប់ការប្រកួតនាពេលអនាគត។ បើទោះបីជាបើកឱ្យអ្នកគាំទ្រចូលកីឡដ្ឋានវិញយ៉ាងណាក៏ដោយ ក៏អ្នកគាំទ្រត្រូវតែប្រកាន់ខ្ជាប់នូវច្បាប់ដ៏តឹងរឹងរបស់អាជ្ញាធរ ដើម្បីការពារការឆ្លងនៃវីរុសនេះ។
ជាក់ស្តែងក្នុងនោះអ្នកគាំទ្រក្រុមទាំង២ ត្រូវបានដឹកតាមរថយន្ដក្រុងទៅកាន់កីឡាដ្ឋាននៅទីក្រុងស៊ូចូវ ដើម្បីធ្វើតេស្តរកវីរុសនៅមួយសប្តាហ៍មុន ហើយត្រូវអង្គុយនៅចម្ងាយមួយម៉ែត្រពីគ្នា អំឡុងពេលទស្សនាការប្រកួត។
សូមបញ្ជាក់ថាជ័យជម្នះនេះ បានធ្វើឱ្យក្រុម Shanghai SIPG បន្តឈរនៅកំពូលតារាងតំបន់ B ឬ ពូល B ដោយមាន ១៤ពិន្ទុគិតត្រឹមសប្តាហ៍ទី៦ តាមពីក្រោយដោយក្រុម Beijing Guoan ដែលមាន១៣ពិន្ទុ៕ (ដកស្រង់ចេញពី AFP)
ចែករំលែកព័តមាននេះ