Maguire ត្រូវបង់ជិត១២ម៉ឺនដុល្លារ ដើម្បីរួចផុតពីការជាប់ពន្ធនាគារនៅក្រិក
អង់គ្លេស ៖ ខ្សែការពារ Harry Maguire និងជាប្រធានក្រុម Manchester United ត្រូវបង់ប្រាក់ចំនួន៩ម៉ឺនផោន (ជិត១២ម៉ឺនដុល្លារអាមេរិក)…
អង់គ្លេស ៖ ខ្សែការពារ Harry Maguire និងជាប្រធានក្រុម Manchester United ត្រូវបង់ប្រាក់ចំនួន៩ម៉ឺនផោន (ជិត១២ម៉ឺនដុល្លារអាមេរិក) ដើម្បីរួចផុតពីការជាប់ពន្ធនាគារនៅប្រទេសក្រិក បន្ទាប់ពីត្រូវចោទប្រកាន់ថាបានតដៃជាមួយមន្ត្រីប៉ូលីស អំឡុងពេលវិស្សមកាលជាមួយក្រុមគ្រួសារ និងមិត្តភក្តិនៅលើកោះ Mykonos។
សូមរំលឹកថា ការិយាល័យរដ្ឋអាជ្ញាប្រចាំតំបន់ បានចេញសេចក្តីថ្លែងការណ៍មួយកាលពីថ្ងៃសុក្រថា ជនបរទេសចំនួន ៣នាក់ក្នុងនោះមានទាំងខ្សែការពារ Maguire ត្រូវបានចាប់ខ្លួន។ បន្ទាប់ពីរងការចោទប្រកាន់ថាបានតដៃជាមួយមន្ត្រីប៉ូលីសប្រចាំកោះ Mykonos ក្នុងហេតុការណ៍ជម្លោះរវាងក្រុមចំនួនពីរ នៅខាងក្រៅរង្គសាលមួយកន្លែង កាលពីថ្ងៃព្រហស្បតិ៍កន្លងទៅ។
ខ្សែការពារថ្លៃបំផុតលើលោកដែលត្រូវ Man United នាំយកពី Leicester ក្នុងតម្លៃ ៨៥លានផោនកាលពីឆ្នាំ២០១៩ មិនបានធ្វើអត្ថាធិប្បាយណាមួយជុំវិញបញ្ហានេះទេ បន្ទាប់ពីចាកចេញពីតុលាការកាលពីថ្ងៃសៅរ៍។ ប៉ុន្តែមេធាវីរបស់គេបានប្រាប់ Sky Sports ឱ្យដឹងថា គេត្រូវបានដោះលែងឱ្យមានសេរីភាពហើយ។
បើយោងតាមសម្តីរបស់អនុប្រធាននៃគណៈមេធាវីប្រចាំតំបន់ Attica បានថ្លែងថាដើម្បីអាចជៀសវាងពីការជាប់ពន្ធនាគាររយៈពេល ៣ឆ្នាំ កីឡាករវ័យ ២៧ឆ្នាំរូបនេះ នឹងត្រូវបង់ថ្លៃសេវាប្រចាំថ្ងៃដែលសរុបទាំងអស់ ៩ម៉ឺនផោន៕
ចែករំលែកព័តមាននេះ