រាជធានីភ្នំពេញ ៖ អនុសាខាកាកបាទក្រហមកម្ពុជាខណ្ឌមានជ័យ ដឹកនាំដោយលោកឌី រ័ត្នខេមរុណ អភិបាលរងខណ្ឌមានជ័យ និងជាប្រធានកាកបាទក្រហមប្រចាំខណ្ឌ កាលពីរសៀលថ្ងៃទី១៣ កុម្ភៈ ២០១៥ បានអញ្ជើញចុះសួរសុខទុក្ខ និងពាំនាំយកអំណោយជាគ្រឿងឧបភោគមួយចំនួន ជូនដល់លោកហោ ម៉ៅ (សន្តិសុខខណ្ឌមានជ័យ) ដែលធ្លាក់ខ្លួនឈឺដោយសារជំងឺលើសឈាម ហើយត្រូវស្លាប់មួយចំហៀងខ្លួន កំពុងសម្រាកព្យាបាលនៅលំនៅឋានរបស់ខ្លួន ដែលមានទីតាំងនៅភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ។
អំណោយដែលត្រូវចែកជូនមានអង្ករ២០គីឡូក្រាម, ទឹកស៊ីអ៊ីវ១យួរ, ទឹកត្រី១យួរ និងសម្ភារផ្ទះបាយជាច្រើនទៀត រួមជាមួយទឹកប្រាក់៥៥ម៉ឺនរៀលផងដែរ ។
អំណោយទាំងនោះ គឺជាទឹកចិត្ត និងជាការមើលឃើញនូវការលំបាករបស់បងប្អូនពីសំណាក់លោកឌី រ័ត្នខេមរុណ អភិបាលរងខណ្ឌមានជ័យ និងជាប្រធានកាកបាទក្រហមប្រចាំខណ្ឌ ដែលជានិច្ចកាលលោកតែងតែមើលឃើញនូវទុក្ខលំបាក និងការខ្វះខាតរបស់បងប្អូនយើងរៀងមករហូត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ