អភិបាលខេត្តចុះត្រួតពិនិត្យអនុញ្ញាតិឱ្យបន្តបើក តែត្រូវពង្រឹងវិធីទប់ស្កាត់កូវីដ
- សៀមរាប
ខេត្តសៀមរាប ៖ នាយប់ថ្ងៃទី១៨ ខែសីហា ឆ្នាំ២០២០ លោក ទៀ សីហា អភិបាលនៃគណៈអភិបាលខេត្ត ចុះពិនិត្យ…
ខេត្តសៀមរាប ៖ នាយប់ថ្ងៃទី១៨ ខែសីហា ឆ្នាំ២០២០ លោក ទៀ សីហា អភិបាលនៃគណៈអភិបាលខេត្ត ចុះពិនិត្យ…
ខេត្តសៀមរាប ៖ នាយប់ថ្ងៃទី១៨ ខែសីហា ឆ្នាំ២០២០ លោក ទៀ សីហា អភិបាលនៃគណៈអភិបាលខេត្ត ចុះពិនិត្យ រៀបចំកែលំអរ និងពង្រឹងការរៀបចំទាំងកណ្តាលមេឃកំពុងភ្លៀង ដើម្បីចាត់វិធានការការពារជំងឺកូវីដ១៩ បន្ទាប់ពីរដ្ឋបាលខេត្តបានចុះផ្អាកជាបណ្តោះអាសន្នកាលពីរាត្រីថ្ងៃទី១៧ ខែសីហា ដោយសារមានបងប្អូនបានចូលរួមលើសពីការកំណត់របស់គណៈកម្មការរៀបចំកម្មវិធី។
ក្រោយការចុះពិនិត្យ លោក ទៀ សីហា អភិបាលខេត្ត និងជាប្រធានគណៈកម្មការរៀបចំកម្មវិធី បានអនុញ្ញាតឱ្យបន្តបើកដំណើរការ ដោយបានណែនាំដូចខាងក្រោម ៖
១- សម្រួលទិសចរាចរណ៍ ដើម្បីងាយស្រួលដល់ក្រុមការងារគ្រប់គ្រងចំនួនអ្នកចូលរួម ការវាស់កំដៅ ការពាក់ម៉ាស់ និងការលាងសំអាតដៃដោយអាល់កុលជាដើម។
២- កែសម្រួលការប្រគំតន្ត្រី ដើម្បីជៀសវាងឲ្យមានការប្រមូលផ្តុំច្រើន និងម្ចាស់អាជីវកម្មដ្ឋាននីមួយៗ ត្រូវពង្រឹងកម្រិតខ្ពស់អនុវត្តនូវវិធានការការពារជំងឺកូវីដ១៩ តាមការណែនាំរបស់ក្រសួងសុខាភិបាល ដោយរាប់បញ្ចូលទាំងការរក្សានូវគម្លាតសុវត្ថិភាពសម្រាប់អតិថិជន។
សូមបញ្ជាក់ថា គណៈកម្មការរៀបចំ និងរដ្ឋបាលខេត្ត សូមអំពាវនាវដល់បងប្អូនប្រជាពលរដ្ឋដែលអញ្ជើញចូលរួមមានការប្រុងប្រយ័ត្នខ្ពស់ និងកុំភ្លេច និងត្រូវចងចាំនូវ៣ចំណុចដូចខាងក្រោម ដើម្បីការពារ និងចូលរួមទប់ស្កាត់ជំងឺកូវីដ១៩ ៖
១.កុំភ្លេច ត្រៀមម៉ាស់ ឬក្រម៉ា។
២.កុំភ្លេច ជែល ឬអាល់កុលលាងដៃ (យើងបានត្រៀម សាប៊ូលាងដៃជូននៅតាមទីសាធារៈផងដែរ)។
៣.កុំភ្លេចរក្សាគម្លាតសុវត្ថិភាពសង្គម (ចូលរួមការពារការរាលត្បាតនៃជំងឺកូវីដ-១៩)៕
ចែករំលែកព័តមាននេះ