រាជធានីភ្នំពេញ ៖ ករណីបំបាក់ផ្លូវចិត្តអ្នកសិល្បៈមួយទៀតហើយ ដោយលោកយាយដ៏ស្រស់សោភារបស់ សារ៉ាយ សក្ខណា ស្រាប់តែលាចាកលោកទៅយ៉ាងលឿន។ មិនគួរណាមានរឿងចម្លែកៗ មិនល្អកើតឡើងបែបនេះសោះ ហើយញឹកពេកហើយដែលក្លាយជាព្រឹត្តិការណ៍…
រាជធានីភ្នំពេញ ៖ ករណីបំបាក់ផ្លូវចិត្តអ្នកសិល្បៈមួយទៀតហើយ ដោយលោកយាយដ៏ស្រស់សោភារបស់ សារ៉ាយ សក្ខណា ស្រាប់តែលាចាកលោកទៅយ៉ាងលឿន។ មិនគួរណាមានរឿងចម្លែកៗ មិនល្អកើតឡើងបែបនេះសោះ ហើយញឹកពេកហើយដែលក្លាយជាព្រឹត្តិការណ៍ បាត់បង់គ្នាជាបន្តបន្ទាប់នៅក្នុងសង្គមសិល្បៈ។
លោកយាយរបស់ សារ៉ាយ សក្ខណា ត្រូវបានគេអះអាងថា រអិលជើងដួលក៏រងរបួស ហើយសម្រាកនៅមន្ទីរពេទ្យ។ តែជាអកុសលបានលាចាកទៅកាលពីថ្ងៃទី១៨ ខែសីហា ឆ្នាំ២០២០ បង្កឱ្យក្រុមគ្រួសារស្ទើរមិនគួរអោយជឿ។ ទាំងសក្ខណា និងម្តាយនាងសែនស្លុតចិត្ត នៅពេលដឹងរឿងនេះ ហើយមិនជឿ ព្រោះថាលោកយាយនាងនៅរឹងមាំល្អនៅឡើយ។
មុននេះ លោកយាយនាងទើបតែចូលរួមធ្វើខួបកំណើតឱ្យម្តាយ សក្ខណា គឺអ្នកស្រីសម្ជស្ស ដោយទឹកមុខកាយវិការរីករាយ និងភាពកក់ក្តៅទៀត។
ពិតជាសង្ខារមិនទៀងឡើយ អ្វីៗបានបន្សល់ទុកតែការនឹករលឹក និងអនុស្សាវរីយ៍។ មើលមិនដឹងថា ស្អែកមានរឿងអ្វី មានតែការសាងអំពើល្អដាក់គ្នាជាកុសលទៅមុខតែប៉ុណ្ណោះ។ ចំពោះ សារ៉ាយ សក្ខណា វិញ មិនបានមកបុណ្យសពលោកយាយនាងទេ ដោយសារកំពុងនៅអាមេរិក និងមិនទាន់ស្ងប់កូវីដ១៩ នៅឡើយទៀត។ នាងបានត្រឹមតែសច្ចាថា នាងនឹងមើលថែម្តាយនាងឱ្យបានល្អ សូមលោកយាយ ស្ងប់ចិត្តចុះ។
ចែករំលែកព័តមាននេះ