ខេត្តសៀមរាប ៖ ផ្ទះពលរដ្ឋមួយគ្រួសារ នៅកណ្តាលក្រុងសៀមរាប ចាក់សោរចោលត្រូវភ្លើងឆេះអស់ ទាំងស្រុង និងខូចខាតទ្រព្យសម្បត្តិអស់មួយចំនួនធំ ក៏ប៉ុន្តែមិនបានឆ្លងរាលដាលដល់ផ្ទះអ្នកជិតខាង ឡើយ ដោយសារត្រូវបានរថយន្តពន្លត់អគ្គិភ័យរបស់ស្នងការនគរបាលខេត្ត…
ខេត្តសៀមរាប ៖ ផ្ទះពលរដ្ឋមួយគ្រួសារ នៅកណ្តាលក្រុងសៀមរាប ចាក់សោរចោលត្រូវភ្លើងឆេះអស់ ទាំងស្រុង និងខូចខាតទ្រព្យសម្បត្តិអស់មួយចំនួនធំ ក៏ប៉ុន្តែមិនបានឆ្លងរាលដាលដល់ផ្ទះអ្នកជិតខាង ឡើយ ដោយសារត្រូវបានរថយន្តពន្លត់អគ្គិភ័យរបស់ស្នងការនគរបាលខេត្ត និងរថយន្តពន្លត់អគ្គិភ័យ របស់កងរាជអាវុធហត្ថក្រុង និងរថយន្តពន្លត់អគ្គិភ័យរបស់អាជ្ញាធរជាតិអប្សរាជួយទាន់ កុំអីវីវរ រត់ចោលស្រុកហើយមើលទៅ។ ហេតុការណ៍ករណីអគ្គិភ័យឆេះផ្ទះរបស់ពលរដ្ឋនោះបានកើតឡើង នៅវេលាម៉ោង០៤ល្ងាច ថ្ងៃទី១៨ ខែសីហា ឆ្នាំ២០២០ ក្នុងក្រុមទី០២ ភូមិទ្រាំង សង្កាត់ស្លក្រាម ក្រុង/ ខេត្តសៀមរាប។
បើតាមប្រភពពីមន្ត្រីនគរបាលប៉ុស្តិ៍សង្កាត់ស្លក្រាមបានប្រាប់នៅល្ងាចថ្ងៃទី១៨ ខែសីហា ឆ្នាំ២០២០នេះថា ករណីភ្លើងឆេះផ្ទះពលរដ្ឋ អស់ទាំងស្រុងនោះម្ចាស់ផ្ទះឈ្មោះ ឃុន ម៉ៅ ភេទស្រី អាយុ៦៣ឆ្នាំ មុខរបរនៅផ្ទះ។ បណ្តាលឱ្យរងការខូចខាត ផ្ទះឈើមួយខ្នងជញ្ជាំងក្តាប្រក់ស័ង្កសី ប្រវែង៥ម៉ែត្រ គុណនឹង៧ម៉ែត្រ (ខូចខាតទាំងស្រុង) លុយខ្មែរ ២០ម៉ឺនរៀល លុយដុល្លារ ២២០០ ដុល្លារ និងសម្ភារប្រើប្រាស់ក្នុងផ្ទះមួយចំនួន។
ប្រភពបានបញ្ជាក់ថា ក្នុងការជួយបាញ់ពន្លត់នោះ ប្រើប្រាស់រថយន្តអស់ចំនួន៦គ្រឿង ក្នុងនោះមាន រថយន្តពន្លត់អគ្គិភ័យរបស់ស្នងការដ្ឋាននគរបាល ខេត្តសៀមរាបចំនួន០៣គ្រឿង ប្រើប្រាស់ទឹកអស់១ឡាន និង រថយន្ពពន្លត់អគ្គិភ័យរបស់អាជ្ញាធរអប្សរា ០២គ្រឿង ប្រើប្រាស់ទឹកអស់២ឡាន និងរថយន្ពពន្លត់អគ្គិភ័យរបស់កងរាជអាវុធហត្ថក្រុង០១គ្រឿង ប្រើប្រាស់ទឹកអស់៣ឡាន។ ហើយពន្លត់ចប់ជាស្ថាពរនៅវេលាម៉ោង០៤ និង៣០នាទីល្ងាចថ្ងៃដដែល។ មូលហេតុឆ្លងចរន្តអគ្គិសនី (ទុស្សេខ្សែភ្លើង) ម្ចាស់ផ្ទះចាក់សោចោល។ បច្ចុប្បន្នកម្លាំងជំនាញកំពុង ធ្វើកំណត់ហេតុ ដើម្បីរៀបចំឯកសារជូនទៅថ្នាក់លើ។ ហើយផ្ទះរបស់ពលរដ្ឋដែលឆេះអស់ទាំងស្រុង ព្រមទាំងទ្រព្យសម្បត្តិនោះអស់ទឹកប្រាក់ប្រមាណជាង១ម៉ឺនដុល្លារ៕ ដោយ ៖ ច័ន្ទ រស្មី
ចែករំលែកព័តមាននេះ