រាជធានីភ្នំពេញ ៖ លោករដ្ឋមន្ត្រីខៀវ កាញ៉ារិទ្ធិរដ្ឋមន្ត្រីក្រសួងព័ត៌មានបានចុះផ្ទាល់ជាមួយមន្ត្រីក្រសួងយកអំណោយផ្ទាល់ខ្លួន និងអំណោយសប្បុរជនមួយចំនួនជូនដល់អតីតតារាចម្រៀងអភ័ព្ទអ្នកនាង អ៊ុំ គន្ធា ដែលកំពុងផ្ទុកមេរោគអេដស៍។ ពិធីចែកអំណោយនោះ មានការចូលរួមពីសិល្បករថ្មីចាស់ល្បីៗជាច្រើន នៅក្នុងទីតាំងភោជនីយដ្ឋានអូប៉េរ៉ា តាមបណ្តោយផ្លូវន័រប្រ៊ីជ រាជធានីភ្នំពេញ កាលពីព្រឹកថ្ងៃទី១៣ កុម្ភៈ ២០១៥។ ជាអធិបតីភាពលោកកាញ៉ារិទ្ធិថ្លែងថា «ជំងឺអេដស៍មិនបារម្ភនោះទេ អ្វីដែលសំខាន់គេខ្លាចជំងឺឆ្លងថ្នល់ដែលងាយនឹងគ្រោះថ្នាក់ ហើយបាត់បង់ជីវិតលឿនណាស់»។
លោកខៀវ កាញ៉ារិទ្ធិ បានផ្តល់ការលើកទឹកចិត្តដល់តារាចម្រៀងអ៊ុំ គន្ធា ដែលកំពុងជួបរឿងអកុសលមានផ្ទុកមេរោគអេដស៍ថា «ថ្ងៃប្អូនប្រុស អ៊ឹម ជីវ៉ា បានធ្វើពិធីមួយជួបជុំសិល្បករផង និងជួបផ្ទាល់ដល់តារាចម្រៀង អ៊ុំ គន្ធាផង។ យើងចង់ឲ្យមានថ្ងៃណាមួយច្បាស់លាស់រំលឹកដល់សិល្បករ សិល្បការិនី យើងឲ្យមានការជួបជុំសួរសុខទុក្ខគ្នាកុំបោះបង់ចោលគ្នាក្នុងពេលគាត់អស់កម្លាំងតស៊ូ និងសិល្បៈ។ ម្យ៉ាងទៀត លោកសូមជម្រាបថា កន្លងមក ក្រសួងព័ត៌មានបានធ្វើការពិភាក្សាច្រើន ដើម្បីតួនាទីសិល្បករ សិល្បការិនីរបស់យើង ជាពិសេសលើកតម្លៃភាពយន្តរបស់យើង។ កន្លងមក យើងបានជជែក និងបានលទ្ធផលច្រើនណាស់។ ជាដំបូងទាំងប្អូនស្រី អ៊ុំ គន្ធា ក្តី ទាំងគ្នាក្តី ត្រូវចេះតស៊ូឡើង ដើម្បីជីវិត។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ