David Silva សម្រេចការផ្ទេរទៅប្រកបអាជីពនៅប្រទេសកំណើតវិញ
អង់គ្លេស ៖ កីឡាករ David Silva អតីតកីឡាករឆ្នើមរបស់ក្រុម Manchester City បានសម្រេចការផ្ទេរជាផ្លូវការវិលត្រឡប់ទៅកាន់ប្រទេសអេស្ប៉ាញវិញ ដើម្បីចូលរួមជាមួយក្រុម…
អង់គ្លេស ៖ កីឡាករ David Silva អតីតកីឡាករឆ្នើមរបស់ក្រុម Manchester City បានសម្រេចការផ្ទេរជាផ្លូវការវិលត្រឡប់ទៅកាន់ប្រទេសអេស្ប៉ាញវិញ ដើម្បីចូលរួមជាមួយក្រុម Real Sociedad ដោយគ្មានតម្លៃខ្លួន (Free Transfer) ជាមួយកុងត្រារយៈពេល ២រដូវកាលនៅទីនោះ ។
សូមរំលឹកថា David Silva បានបង្ហាញខ្លួនលើទីលានលើកចុងក្រោយក្នុងជំនួបដែល Man City រងបរាជ័យក្នុងក្របខណ្ឌ Champions League កាលពីថ្ងៃសៅរ៍ដោយក្រុម Lyon។
ក្លិប Man City បានសម្រេចនឹងសង់រូបសំណាករបស់ខ្សែបម្រើអន្តរជាតិអេស្ប៉ាញវ័យ ៣៤ឆ្នាំរូបនេះ នៅក្បែរកីឡដ្ឋាន Etihad របស់ខ្លួន ដើម្បីជាការដឹងគុណជាមួយការរួមចំណែកដ៏ធំធេងរបស់គេរយៈពេល ១០កន្លងមក ។
គូសបញ្ជាក់ថា David Silva បានសម្រេចផ្លាស់ពីក្លិប Valencia មកចូលរួមជាមួយ Man City ក្នុងឆ្នាំ២០១០ ក្នុងតម្លៃប្រមាណ ២៨លានអឺរ៉ូ ។ រូបគេបានបង្ហាញខ្លួនចំនួន ៤៣៦ប្រកួតស៊ុតបញ្ចូលទី ៧៧គ្រាប់ និងជួយឱ្យ City ឈ្នះពានរង្វាន់សំខាន់ចំនួន១៤ ក្នុងចំណោមនោះមានពានរង្វាន់ Premier League ៤លើកផងដែរ ៕ ដកស្រង់ចេញពី BBC
ចែករំលែកព័តមាននេះ