អ៊ីតាលី ៖ បុរសអាយុ៨៣ឆ្នាំម្នាក់ ត្រូវបានគេបញ្ជាឱ្យបង់ប្រាក់ពិន័យ១៦៦អឺរ៉ូ (២០០ដុល្លារអាមេរិក) បន្ទាប់ពីគាត់បណ្តោយឱ្យសត្វមាន់របស់គាត់រងាវពេលព្រឹកម៉ោង៤កន្លះរាល់ព្រឹក ដែលអ្នកជិតខាងទ្រាំមិនបានក៏ប្តឹងតែម្តង ។ លោក Angelo…
អ៊ីតាលី ៖ បុរសអាយុ៨៣ឆ្នាំម្នាក់ ត្រូវបានគេបញ្ជាឱ្យបង់ប្រាក់ពិន័យ១៦៦អឺរ៉ូ (២០០ដុល្លារអាមេរិក) បន្ទាប់ពីគាត់បណ្តោយឱ្យសត្វមាន់របស់គាត់រងាវពេលព្រឹកម៉ោង៤កន្លះរាល់ព្រឹក ដែលអ្នកជិតខាងទ្រាំមិនបានក៏ប្តឹងតែម្តង ។
លោក Angelo Boletti អ្នកចូលនិវត្តម្នាក់មកពីទីក្រុង Castiraga Vidardo នៃប្រទេសអ៊ីតាលីនៅ Lombardy ត្រូវបានគេរកឃើញថា បានរំលោភច្បាប់ក្នុងស្រុកដែលចែងថា សត្វចិញ្ចឹមត្រូវតែរក្សាទុកនៅចម្ងាយអប្បបរមា ១០ម៉ែត្រពីផ្ទះជិតខាង។ ប៉ុន្តែបញ្ហាពិតប្រាកដ គឺសត្វចិញ្ចឹមដែលត្រូវគេប្តឹងនោះ គឺជាសត្វមាន់គក ដែលតែងតែរងាវផ្អើលអ្នកស្រុក។ បន្ទាប់ពីទទួលបានការត្អូញត្អែរជាច្រើនអំពីទម្លាប់ពេលព្រឹករបស់សត្វមាន់នេះ ប៉ូលិសបានធ្វើការអង្កេត ហើយក៏សម្រេចផាកពិន័យលោក Boletti ក្នុងទំហំទឹកប្រាក់ ២០០ដុល្លារអាមេរិក។
លោក Boletti ដែលជាម្ចាស់មាន់ មិនពេញចិត្តនឹងការពិន័យដោយគ្មានការព្រមានជាមុន ខណៈដែលលោកអភិបាលក្រុង បានអះអាងថា មានប៉ូលីសទៅសាកសួរម្ចាស់មាន់តាំងពីខែកក្កដា និងបានប្រាប់ពីច្បាប់រក្សាសត្វចិញ្ចឹមចម្ងាយ ១០ម៉ែត្រពីអ្នកជិតខាងរួចហើយ។
គួរឱ្យចាប់អារម្មណ៍ នេះមិនមែនជាលើកទីមួយទេ នៅពេលដែលការស្រែកយ៉ាងខ្លាំងរបស់សត្វមាន់ បានបង្កឱ្យមានជម្លោះផ្លូវច្បាប់ដ៏ចម្រូងចម្រាស។ កាលពីឆ្នាំមុន គ្រួសារមួយនៅបារាំង ត្រូវបានគេប្តឹងដោយសារតែអ្នកជិតខាងត្រូវបានរំខានដោយសារសម្លេងសត្វមាន់៕ ដកស្រង់ចេញពីវេបសាយ ៖ odditycentral
ចែករំលែកព័តមាននេះ