ADផ្ទាំងផ្សព្វផ្សាយពាណិជ្ជកម្ម

Picture

១០ យ៉ាងទាក់ទាញបំផុតនៅ វឌ្ឍនៈ កាពីតាល អ្នកអាចកម្សាន្តសប្បាយក្នុងទីក្រុងភ្នំពេញកំឡុងពេលឈប់សម្រាកនេះ !

3 ឆ្នាំ មុន
  • ភ្នំពេញ

រាជធានីភ្នំពេញ ៖ ជឿជាក់ថា ទាំងអស់គ្នាពិតជាទន្ទឹងរង់ចាំថ្ងៃឈប់សម្រាកដែលនឹងមកដល់ក្នុងពេលឆាប់ៗ ដើម្បីជួបជុំគ្រួសារ មិត្តភក្តិ ឬធ្វើដំណើរកម្សាន្តទៅកន្លែងនានា ។ ពួកយើងសូមណែនាំទីតាំងមួយកន្លែងដែលមានទីតាំងនៅក្នុងរាជធានីភ្នំពេញផ្ទាល់តែម្តងដែលអ្នករាល់គ្នាស្គាល់ថាជាចក្រវាឡប្លែកគេនោះ គឺមជ្ឈមណ្ឌលពាណិជ្ជកម្ម…

រាជធានីភ្នំពេញ ៖ ជឿជាក់ថា ទាំងអស់គ្នាពិតជាទន្ទឹងរង់ចាំថ្ងៃឈប់សម្រាកដែលនឹងមកដល់ក្នុងពេលឆាប់ៗ ដើម្បីជួបជុំគ្រួសារ មិត្តភក្តិ ឬធ្វើដំណើរកម្សាន្តទៅកន្លែងនានា ។ ពួកយើងសូមណែនាំទីតាំងមួយកន្លែងដែលមានទីតាំងនៅក្នុងរាជធានីភ្នំពេញផ្ទាល់តែម្តងដែលអ្នករាល់គ្នាស្គាល់ថាជាចក្រវាឡប្លែកគេនោះ គឺមជ្ឈមណ្ឌលពាណិជ្ជកម្ម វឌ្ឍនៈ កាពីតាល ។ អគារពាណិជ្ជកម្មដ៏ទំនើបនេះនឹងនាំអ្នកទទួលយកនូវបទពិសោធន៍ថ្មីអស្ចារ្យកំឡុងពេលវេលាឈប់សម្រាករបស់អ្នក ។

១០ យ៉ាងទាក់ទាញបំផុតដែលអ្នកគួរតែមកស្គាល់អំពីមជ្ឈមណ្ឌលពាណិជ្ជកម្ម វឌ្ឍនៈ កាពីតាល ៖

១. ស្ថាបត្យកម្ម និងរចនាបទប្រណីតប្លែកគេរបស់អគារ ៖
វឌ្ឍនៈ កាពីតាល ជាមជ្ឈមណ្ឌលពាណិជ្ជកម្មដ៏ស្កឹមស្កៃបំផុតនៅប្រទេសកម្ពុជា កម្ពស់ ១៨៨ ម៉ែត្រ និងជាអគារដំបូងបង្អស់សម្រាប់ពាណិជ្ជកម្មប្រើប្រាស់ចម្រុះនៅក្នុងប្រទេសមាន ផ្សារទំនើប សណ្ឋាគារ និងការិយាល័យ ទីតាំងស្ថិតនៅចំកណ្តាលរាជធានីភ្នំពេញ ។ អគារដែលមានរាងដូចនាគរាជនេះ គឺជាអគារដំបូងបំផុតនៅប្រទេសកម្ពុជាដែលទទួលបានវិញ្ញាបនបត្រមាស (LEED) ឈានមុខលើផ្នែកថាមពល និងបរិស្ថាន និងបំពេញគ្រប់លក្ខខណ្ឌបទដ្ឋានបរិស្ថានល្អឥតខ្ចោះ និងមានឧត្តមានុភាពកម្រិតពិភពលោកពីសហរដ្ឋអាមេរិក ។ វឌ្ឍនៈ កាពីតាល នេះបានឈ្នះពានរង្វាន់អគារពាណិជ្ជកម្មដែលល្អដាច់គេប្រចាំតំបន់អាស៊ីអាគ្នេយ៍ឆ្នាំ ២០១២ និងបានឈ្នះពានរង្វាន់សណ្ឋាគារដែលមានការរចនាខាងក្នុងល្អដាច់គេក្នុងប្រទេសកម្ពុជាកាលពីឆ្នាំ ២០១៧ ។

This image has an empty alt attribute; its file name is 98c6f2c2287f4c73cea3d40ae7ec3ff2-878x1024.jpg

២. ទិសដៅ Fashion និង Lifestyle លំដាប់ពិភពលោក ៖
ផ្សារទំនើប វឌ្ឍនៈ កាពីតាល ត្រូវបានគេស្គាល់ថា ជាទិសដៅសម្រាប់ម៉ាកសញ្ញាល្បីៗលំដាប់ពិភពលោកប្រចាំនៅកម្ពុជា ដែលនាំយកបទពិសោធន៍ទិញទំនិញតាមបែបទំនើបជា មួយម៉ាកផលិតផលលំដាប់អន្តរជាតិ ។ អ្នកមិនចាំទៅដល់បរទេសនោះទេ អ្នកក៏អាចស្វែងរកសម្លៀកបំពាក់ ស្បែកជើង កាបូប នាឡិកា គ្រឿងអលង្ការ នាឡិកា ដែលសុទ្ធសឹងជាប្រ៊េនអន្តរជាតិដែលពេញនិយមមានដូចជា៖ Jimmy Choo, Hugo Boss, Brioni, Bottega Veneta, Canali, Salvatore Ferragamo, Santoni, Stefano Ricci, Bally, Cartier, Chopard, Hublot, Franck Muller, Piaget, Jaeger Lecoultre, IWC, Roger Dubuis, Blancpain, Breguet And Baume & Mercier, Bang & Olufsen, Frette, Poltrona Frau និង Christofle ជាដើម ។

This image has an empty alt attribute; its file name is 620726cce3cbc8c574e5889cb404da8c-1024x683.jpg

៣. ការថែរក្សាសម្រស់ ៖
ក្រៅពី Fashion និង Lifestyle ការថែរក្សាសម្រស់ក៏គឺជាផ្នែកទាក់ទាញយ៉ាងធំមិនថាជាបុរស ឬនារីនោះទេដូច្នេះនៅក្នុងផ្សារទំនើបវឌ្ឍនៈ កាពីតាល អ្នកក៏អាចស្វែងរកផលិត ផលនិងសេវាកម្មថែរក្សាសម្រស់របស់អ្នកបានពី Clarins Skin Spa ដែលជាផលិតផលថែរក្សាស្បែកលំដាប់លេខ ១ ប្រចាំតំបន់អ៊ឺរ៉ុប និងផលិតផលថែរក្សាសម្រស់ផ្សេងៗនៅ L’Occitane en Provence ផងដែរ ។

This image has an empty alt attribute; its file name is c09b1a2f54d91300e0ca6c0f8617ea79-1024x682.jpg
This image has an empty alt attribute; its file name is eccf17334790b41b32b46f6d8c83ffcd-1024x682.jpg

៤. សណ្ឋាគារលំដាប់ផ្កាយ ៥ ប្រណីតបំផុតប្រចាំប្រទេសកម្ពុជា Rosewood ភ្នំពេញ ៖
ប្រសិនបើលោកអ្នកមិនអាចធ្វើដំណើរកម្សាន្តតាមបណ្ដាខេត្តឆ្ងាយៗបាន លោកអ្នកអាចសាកល្បងប្តូរបរិយាកាសថ្មីប្លែក ដោយការសម្រាកលម្ហែកាយនៅក្នុងទីក្រុងភ្នំពេញផ្ទាល់ និងទទួលយកបទពិសោធន៍បដិសណ្ឋារកិច្ចដ៏ល្អឥតខ្ចោះក្នុងសណ្ឋាគារលំដាប់ផ្កាយ ៥បែប Ultra-Luxury Rosewood ភ្នំពេញ និងទស្សនាទេសភាពនៃទីក្រុងភ្នំពេញ ទន្លេមេគង្គ និងទិដ្ឋភាពជាទីគយគន់ជាច្រើនទៀតពីលើអគារដ៏ខ្ពស់នេះ ។

This image has an empty alt attribute; its file name is 2f5bb7747efda0546636fb385a3fa593-1024x683.jpg
This image has an empty alt attribute; its file name is 895a074a5b216322121b5f76bc831927-1024x597.jpg

៥. Sora Skybar បណ្តែតអារម្មណ៍នាពេលថ្ងៃលិច ៖
ប្រសិនបើលោកអ្នកមកដល់ចក្រវាឡប្លែកគេនេះហើយ អ្នកមិនគួររំលង Sora Skybar នោះទេ ។ ស្កាយបារដ៏ប្រណីតនេះមានទីតាំងនៅជាន់ទី ៣៧ លោកអ្នកអាចទស្សនាទិដ្ឋ ភាពថ្ងៃលិច និងទិដ្ឋភាពទីក្រុងភ្នំពេញទាំងមូលធ្វើឲ្យលោកអ្នកបំភ្លេចអស់នូវទុក្ខកង្វល់ ។ មិនត្រឹមតែប៉ុណ្ណោះ SORA ក៏មានបន្ទប់ស្រាវីស្គីដែលលោកអ្នកអាចអង្គុយបណ្តែតអារ ម្មណ៍ ញ៉ាំស្រាវីស្គីម៉ាកល្បីៗ នៅក្នុងបរិយាកាសដ៏ល្អបំផុត ។ SORA ចាប់ផ្ដើមបើកពីម៉ោង ៥ល្ងាចដល់ពាក់កណ្ដាលអធ្រាត្រ ។

This image has an empty alt attribute; its file name is dca19ffa163054feef33432fad5f9833-1024x830.jpg

៦. ហាងតែប្រណីត TWG Tea ៖
ពេលវេលាសម្រាកដ៏យូរបំផុតនេះ អ្នកអាចចំណាយពេលជាមួយមនុស្សជាទីស្រលាញ់នៅ ហាងតែ TWG Tea ដ៏ប្រណីតដែលមានសាខាជាច្រើនជុំវិញពិភពលោក និងត្រូវបានគេស្គាល់ថាជាម៉ាកតែដែលមានគុណភាពល្អបំផុត ។ ក្រៅពីជម្រើសរសជាតិតែជាង ៨០០ ប្រភេទ អ្នកក៏អាចទទួលទានអាហារក្នុងបរិយាកាសដ៏ស្ងប់ស្ងាត់បែបរ៉ូមែនទិក ជាមួយ នឹងទេសភាពស្រស់ត្រកាលពីជាន់ទី ១ នៃផ្សារទំនើបវឌ្ឍនៈ កាពីតាល ។

This image has an empty alt attribute; its file name is 474b0685485c80a3cf1cbcb64f54b7c8-1024x683.jpg

៧. ហាងកាហ្វេល្បីឈ្មោះរបស់ប្រទេសជប៉ុនតែ ១ គត់នៅកម្ពុជា ៖
% ΔRΔBICΔ ហាងកាហ្វេដែលមានរចនាបថបែប Minimalism មានប្រភពមកពីប្រទេសជប៉ុនបានវាយលុកទីផ្សារធំៗជាច្រើនទូទាំងពិភពលោក ជាពិសេសទីផ្សារអាស៊ី ។ ហាងកាហ្វេនេះត្រូវបានគេស្គាល់ថា ហាងកាហ្វេ Instagram ដែលផ្តល់បទពិសោធន៍នៃការទទួលទានកាហ្វេតាមបែបសម័យទំនើប ។ ហាងកាហ្វេ % ΔRΔBICΔ ក្នុងផ្សារទំនើប វឌ្ឍនៈ កាពីតាល បានក្លាយទៅជាទីកន្លែងទាក់ទាញថ្មីមួយសម្រាប់អ្នកនិយមពិសារកាហ្វេដែលផ្តល់ជូនរសជាតិពីគ្រាប់កាហ្វេថ្មីៗជារៀងរាល់ថ្ងៃរួមជាមួយការផ្ដល់ជូនកន្លែងអង្គុយដ៏ផាសុកភាពផងដែរ ។

This image has an empty alt attribute; its file name is 6ab5dbc886d46770a86e6cc0be54a9d1-1024x683.jpg
This image has an empty alt attribute; its file name is 7cd31cf6820896d838535a73cafb15ca-1024x679.jpg

៨. ជម្រើសនៃការទទួលទានអាហារដ៏សម្បូរបែប ៖
នៅក្នុងមជ្ឈមណ្ឌលពាណិជ្ជកម្ម វឌ្ឍនៈ កាពីតាល លោកអ្នកអាចស្វែងរកជម្រើសនៃការទទួលទានអាហារជាច្រើនប្រភេទទៅតាមចំណង់ចំណូលចិត្តដូចជា សម្រាប់អ្នកចូលចិត្តទទួលទានអាហារបែបចិនអ្នកមិនគួររំលងភោជនីយដ្ឋាន Zhan Liang ស្ថិតនៅជាន់ B1 សម្រាប់អ្នកដែលនិយមទទួលទានអាហារជប៉ុនភោជនីយដ្ឋាន IZA ជាជម្រើសដ៏ល្អបំផុតមានទីតាំងនៅជាន់ទី ៣៧ និងភោជនីយដ្ឋាន Brasserie Louis ស្ថិតនៅជាន់ទី ៣៥ បម្រើជូនទាំងម្ហូបបែបខ្មែរ និងអឺរ៉ុប ជាទីកន្លែងដ៏រ៉ូមែនទិកដែលលោកអ្នកអាចបណ្តែតអារម្មណ៍ជាមួយសម្រស់ទីក្រុងដ៏ស្រស់ត្រកាល ។

៩. ការទស្សនា Art Gallery ដោយសេរី ៖
ក្រៅពីបានដើរតួនាទីយ៉ាងសំខាន់ជាមជ្ឈមណ្ឌលពាណិជ្ចកម្មដ៏លេចធ្លោនៅក្នុងទីក្រុងភ្នំពេញ អគារពាណិជ្ជកម្មវឌ្ឍនៈ កាពីតាល ក៏មាន Art Gallery នៅជាន់ទី ៣៥ ស្ថិតក្នុងសណ្ឋាគារ Rosewood ភ្នំពេញ ដែលបើកជាសារធារណៈសម្រាប់សាធារណៈជនទស្សនាអំពីសិល្បៈចម្រុះរបស់កម្ពុជាផងដែរ ។ ជារៀងរាល់ ៣ ខែម្ដង Art Gallery តែងតែមានការបង្ហាញជូនស្នាដៃថ្មីៗរបស់សិល្បករដើម្បីជាការលើកកម្ពស់សិល្បៈកម្ពុជា ។

This image has an empty alt attribute; its file name is 796d3a90e43ce105cbf37298c5065f7e-1024x684.jpg

១០. ទីតាំងថតរូបឥតខ្ចោះបំផុតក្នុងទីក្រុងភ្នំពេញ ៖
សម្រាប់អ្នកចូលចិត្តលេងបណ្ដាញសង្គមដូចជា Facebook និង Instagram ប្រាកដណាស់ថាទីតាំងសម្រាប់ថតរូបបានដើរតួនាទីយ៉ាងសំខាន់ដើម្បីឲ្យរូបថតមានភាពទាក់ ទាញ ដូច្នេះផ្សារទំនើប វឌ្ឍនៈ កាពីតាល គឺជាទីតាំងថតរូបមួយដែលលេចធ្លោបំផុតមិនចាញ់នៅបរទេសនោះទេ ។

This image has an empty alt attribute; its file name is 435c44c266bc0c05f7b6f48e7a454f1c-1024x684.jpg

ដូច្នេះថ្ងៃសម្រាកខាងមុខនេះ កុំភ្លេចមកទទួលយកបទពិសោធន៍ថ្មីនៅអគារពាណិជ្ចកម្ម វឌ្ឍនៈ កាពីតាល ទាំងអស់គ្នា ដែលមានទីតាំងនៅបណ្តោយផ្លូវមុន្នីវង្ស សង្កាត់វត្តភ្នំ ខណ្ឌដូនពេញ ៕ អត្ថបទសហការ

អត្ថបទសរសេរ ដោយ

កែសម្រួលដោយ