រាជធានីភ្នំពេញ ៖ អតីតស្នងការដ្ឋាននគរបាលខេត្តកំពង់ធំ បានធ្វើការបកស្រាយចំពោះបណ្តឹងរបស់ក្រុមនគរបាលនារីជាការរៀបចំជាប្រព័ន្ធ ហើយស្នើថ្នាក់ដឹកនាំស្វែងរក និងកាត់សាច់ស្អុយចោលកុំបន្តក្លាយជាពាក្យថា «ស្នងការកំពង់ធំជម្រំប្តឹង» ។
យោងតាមរយៈសន្និសីទសារព័ត៌មានមួយ នៅល្ងាចថ្ងៃទី១៣ ខែសីហា ឆ្នាំ២០២០ បានចេញមកបកស្រាយជុំវិញបណ្ដឹងរបស់មន្ដ្រីនគរបាលជានារីដែលបានចោទប្រកាន់លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំបានលើកឡើងថា បានប្រព្រឹត្តអំពើមិនគម្បីមួយចំនួនទៅលើនគរបាលនារីរហូតធ្វើឲ្យលោកត្រូវបានផ្អាកពីការងារជាបណ្ដោះអាសន្នថា ការប្តឹងធ្វើឲ្យប៉ះពាល់ដល់កិត្តយសនគរបាលជានារីខ្លួនផ្ទា ល់ និងជានគរបាលនារីផ្សេងទៀតផងដែរ ព្រោះថា លោកមានមេកើយ ពិសេសនោះមានសម្តេច ក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
លោកបន្តថា ការផ្អាករូបលោកជាតួនាទីជាបណ្តោះអាសន្ននេះ លោកទទួលយក និងត្រេកអរដោយថ្នាក់ដឹកនាំបានគិតគួរ និងធ្វើការវិន្និច្ឆ័យស្វែងរកការពិតដល់កូនចៅថ្នាក់ក្រោម រហូតបង្កើតក្រុមការស្រាវជ្រាវបណ្តឹងរបស់ក្រុមនគរបាលនារីនេះ ។ លោកស្នងការបញ្ជាក់ថា ៖«កាលណាមានការស្រាវជ្រាវខ្ញុំត្រេកអរណាស់ ព្រោះថា ពេលរកឃើញជារឿងពិត ហើយសម្រាប់ខ្លួនខ្ញុំទទួលយកបាន ។ អីញ្ចឹងមាន ក្រុមការងារមកអីញ្ចឹងខ្ញុំទទួលយក ហើយខ្ញុំនៅរងចាំ ព្រោះជាធម្មតាខ្ញុំជាប្រធានអង្គភាពហ្នឹង អីញ្ចឹងគេប្តឹងប្រធានអង្គភាព ខ្ញុំត្រូវទទួលយកដោយស្ម័គ្រចិត្ត និងត្រេកអ» ។
យ៉ាងណាក្តី លោកបានសម្តែងការសោកស្តាយចំពោះបណ្តឹងចំពោះលោកដោយលោកអះអាងថា បណ្តឹងនេះធ្វើឡើងដោយមានការរៀបចំជាប្រព័ន្ធ ដើម្បីប្តឹងរូបលោក ហើយក៏មានជនមួយក្តាប់តូច អូសទាញរហូតដល់បង្ហើបអាថ៌កំបាំងមួយចំនួនរហូតឈានដល់ផ្តួលតួនាទីលោកជាស្នងការ ។ លោកក៏បានលើកឡើងទៀតថាចាប់តាំងពីលោកទៅបំរើការងារនៅខេត្តកំពង់ធំ តាំងពីឆ្នាំ២០០៥មកលោកតែងតែឃើញមានករណីប្តឹងផ្តល់ដូចជា ករណីក្រុមនគបាលនារីអីចឹង ។ លោកថា ៖« គ្រប់ជំនាន់មកដល់រូបខ្ញុំ គឺ១៥ស្នងការ ហើយឃើញថាមានការគៀងគរ បែកបំបាក់សាមគ្គីផ្ទៃក្នុង ដើម្បីផ្តួលស្នងការ ។ នៅពេលខ្ញុំត្រូវបានសម្តេច ក្រឡាហោម ស ខេង និងឯកឧត្តម នេត សារឿន មកខ្ញុំតែងតែគិតថា ខ្ញុំប្រហែលមិនខុសពីគេនោះទេ អីញ្ចឹងខ្ញុំបានមកកាន់ធ្វើជា ការស្នងការខិតខំណាស់ ក្នុងការដឹងនាំបងប្អូនឲ្យយល់ដឹងមួយចំនួន » ។
អតីតស្នងការរូបនេះក៏បានលើកឡើងទៀតថា ទោះបីជាលោកខិតខំពង្រឹងការងារ និងបទបញ្ជាយ៉ាងណាក្តីក៏នៅមាននគរបាលក្រោមឱវាទមួយចំនួននៅតែគេចវាសមិនគោរពវិន័យ និងតែងតែធ្វើសកម្មភាពញុះញង់ និងបំបែកបំបាក់អង្គភាព ។
លោកគូសបញ្ជាក់ថា ៖«ក្នុងនាមជាខ្ញុំទោះបីជាកន្លងមកធ្លាប់សម្តេច ស ខេង បានព្រមានថា ខ្ញុំ និងមន្ត្រីក្រោមឱវាទសរុប៥រូប ប៉ុន្តែខ្ញុំនៅតែខិតខំប្រឹងប្រែងការងារជាធម្មតា ។ សម្រាប់បណ្តឹងនេះមានរយៈពេលជាង១ឆ្នាំ អីញ្ចឹងជិតដល់ឆ្នាំសាឡើងវិញ ។ ដូច្នេះដែលផ្សព្វផ្សាយតាមបណ្តាញសង្គមតាមសារព័ត៌មានមួយចំនួនផ្សេងៗក្តីខ្ញុំនៅតែពង្រឹងដល់អង្គភាពថា ត្រូវមានសាមគ្គីភាព និងរឹងមាំបានល្អ អីញ្ចឹងខ្ញុំខិតខំព្យាយាមណាស់ឲ្យប្រសើរឡើង» ។
អតីតស្នងការរូបនេះក៏បានអះអាងបណ្តឹងទាំងនេះ តាំងពីដើមមកសុទ្ធតែមានការរៀបចំពីបុគ្គលមួយចំនួន ហើយលោកអត់មានភស្តុតាងផងដែរ ប៉ុន្តែលោកមិនអាចបង្ហាញបានទេ ដោយសារពាក់ព័ន្ធផ្លូវច្បាប់ និងកិត្តិសយ និងសាក្សីផងដែរ ។ លោកសង្កត់ធ្ងន់ថា ៖«ខ្ញុំអះអាងថា ការរៀបចំជាប្រព័ន្ធ ដើម្បីផ្តួលរំលំរូបខ្ញុំឲ្យចេញឆ្ងាយពីស្នងការខេត្តកំពង់ធំខ្ញុំសោកស្តាយខ្លាំង ។ កូនចៅជានគរបាលនារីជាមន្ត្រីក្រោមឱវាទនោះតែងមានការប៉ះទង្គិចពាក្យសម្តីតែដោយមានការអូសទាញទើបក្លាយជាបែបនេះ» ។
លោកអតីតស្នងការបានអះអាងថាលោកស្រឡាញ់កូនចៅទាំងបុរសនារីទាំងអស់ មិនប្រកាន់បក្សពួកនោះទេ ប៉ុន្តែដោយសារតែមានការអូសទាញទើបក្លាយបែបនេះ ។ លោកក៏បានអរគុណដល់ថ្នាក់ដឹកនាំចាត់វិធានការចំពោះករណីនេះ និងស្នើឲ្យមានវិធានការចាត់សាច់ស្អុយចោល កុំឲ្យស្នងការកំពង់ធំដូចមុនៗទៀត ។ ដោយអាលូវនេះគេដាក់ងារថា «ស្នងការកំពង់ធំជម្រុះប្តឹង» ដោយត្រូវដាក់កំពង់ធំជម្រុំចិត្ត ។
សូមជម្រាបថា ការដកដំណែងលោកស្នងការនេះ បន្ទាប់មានពីរឿងអាស្រូវ ក្រោយពីក្រុមនគបាលនារីប្តឹងសម្តេច ស ខេង កន្លងមក ។ ក្រុមនគរបាលនារីខេត្តកំពង់ធំ កាលពីថ្ងៃទី៣០ ខែកក្កដា ឆ្នាំ២០២០ បានស្នើសុំ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃជួយរកយុត្តិធម៌ជូនពួកគេក្រោយពួកគេចោទលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានបៀតបៀនកេរ្តិ៍ខ្មាស់ពួកខ្លួន ៕
ចែករំលែកព័តមាននេះ