រាជធានីភ្នំពេញ ៖ អនុវត្តតាមដីកាបញ្ជាឲ្យចូលខ្លួនរបស់លោកឡុង ជាប ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី១២ សីហា ឆ្នាំ២០២០ កម្លាំងសមត្ថកិច្ចការិយាល័យបទល្មើសព្រហ្មទណ្ឌកងរាជអាវុធហត្ថលើផ្ទៃប្រទេស បានធ្វើការនាំខ្លួនពាណិជ្ជករម្នាក់…
រាជធានីភ្នំពេញ ៖ អនុវត្តតាមដីកាបញ្ជាឲ្យចូលខ្លួនរបស់លោកឡុង ជាប ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី១២ សីហា ឆ្នាំ២០២០ កម្លាំងសមត្ថកិច្ចការិយាល័យបទល្មើសព្រហ្មទណ្ឌកងរាជអាវុធហត្ថលើផ្ទៃប្រទេស បានធ្វើការនាំខ្លួនពាណិជ្ជករម្នាក់ ដែលប្រកបអាជីវកម្មទិញ-លក់ម៉ាសពីក្រៅប្រទេស មកចែកចាយក្នុងស្រុកទៅកាន់សាលាដំបូងរាជធានីភ្នំពេញ ពាក់ព័ន្ធពីបទ.ឆបោក លើទឹកប្រាក់ប្រមាណជាង៣០ម៉ឺនដុល្លារអាមេរិក ។
ជនសង្ស័យឈ្មោះ អ៊ុយ សាមាន ភេទប្រុស អាយុ៣៣ ឆ្នាំ អាសយដ្ឋានស្នាក់នៅមិនពិតប្រាកដ ។ តាមប្រភពព័ត៌មានឲ្យដឹងថា នៅក្នុងអំឡុងប្រទេសជាតិ បាន និងកំពុងកើត មានជំងឺឆ្លងរាលដាលវីរុសកូវីដ-១៩ ឆ្លៀតឱកាសជនសង្ស័យបានទទួលយកលុយកក់ពីដើមបណ្តឹងជាង៣០ម៉ឺនដុល្លារអាមេរិក ដែលគេកុំម៉្មង់ទិញម៉ាស់ សម្រាប់យកមកលក់ និងចែកចាយក្នុងប្រទេស ។
ប៉ុន្តែក្រោយពីទទួលបានប្រាក់ពីជនរងគ្រោះ ជនសង្ស័យមិនបានគោរពតាមការសន្យាទេ ថែមទាំងគេចវេសមិនព្រមចូលខ្លួនដោះស្រាយបំណុលនោះទៀតផង ដូច្នោះហើយបានធ្វើឲ្យដើមបណ្តឹងប្តឹងសមត្តកិច្ចឲ្យជួយចាត់ការតាមផ្លូវច្បាប់ ។ ចំណែកជនសង្ស័យបានសារភាពថា លុយទាំងអស់នោះខ្លួនបានយកទៅកក់ឲ្យថៅកែថៃ មកដល់ពេលនេះថៅកែថៃក៏មិនទាន់បានឲ្យម៉ាសមកខ្លួនដែរ ៕
ចែករំលែកព័តមាននេះ