ឥណ្ឌា ៖ ក្រសួងសុខាភិបាលប្រទេសឥណ្ឌា បានរាយការណ៍ពីការកើនឡើងនូវអ្នកឆ្លងមេរោគ COVID-19 ជារៀងរាល់ថ្ងៃ ខណៈចំនួនអ្នកស្លាប់ដោយសារជំងឺនេះ កើនលើស ៤៧.០០០នាក់ហើយ ។
មន្ត្រីក្រសួងសុខាភិបាលឥណ្ឌា បាននិយាយថា អ្នកឆ្លងរកឃើញថ្មីចំនួន ៦៦.៩៩៩ ករណីទៀត នៅថ្ងៃព្រហស្បតិ៍ ទី១៣ សីហានេះ នាំឲ្យចំនួនសរុបជិត ២,៤លាននាក់ ។
ប្រទេសឥណ្ឌា មានករណីប្រជាជនឆ្លងលំដាប់លេខ៣ នៅលើពិភពលោក នៅពីក្រោយសហរដ្ឋអាមេរិក និងប្រេស៊ីល ឥឡូវនេះ បានរាយការណ៍ថា មានអ្នកឆ្លងកើនឡើងចំនួន ៥ម៉ឺនករណី ឬច្រើនជាងនេះ ក្នុងមួយថ្ងៃៗ ក្នុងរយៈពេល១៥ថ្ងៃជាប់ៗគ្នា ៕
ចែករំលែកព័តមាននេះ