រាជធានីភ្នំពេញ ៖ ទីតាំងល្បែងស៊ីសងប្រភេទហ្គេមបាញ់ត្រី ដ៏ធំមួយ ស្ថិតនៅលើផ្សារស្ទឹងមានជ័យថ្មី (ជាន់ទី៣) យីហោ «មណ្ឌលកម្សាន្តវ៉ាន់ដា» ក្នុងសង្កាត់ស្ទឹងមានជ័យទី១ ខណ្ឌមានជ័យ បានបើកដំណើរការលេងយ៉ាងរលូន ដោយពុំមានការចុះបង្ក្រាប ខណះទីតាំងល្បែងខុសច្បាប់មួយនេះ កន្លងមកធ្លាប់ត្រូវបានចុះបង្ក្រាប និងណែនាំអោយបិទជាច្រើនលើកផងដែរ ពីសំណាក់ក្រុមអាជ្ញាធរ ។
ជារៀងរាល់ថ្ងៃ គេតែងសង្គេតឃើញមានក្រុមក្មេងស្ទាវ រួមមានចាស់ក្មេង តែងនាំគ្នាពពាក់ពពូនចូលទៅទីតាំងល្បែងខាងលើនេះ ដើម្បីលេងហ្គេមបាញ់ត្រី ដែលជាប្រភេទល្បែងស៊ីសងខុសច្បាប់ ។ ទន្ទឹមនឹងនោះ នៅទីតាំងនេះ មិនមែនមានតែទូហ្គេមបាញ់ត្រីនោះទេ ក៏មានល្បែងកម្សាន្តផ្សេងៗ ដែលជាប្រភេទភ្នាល់ចាញ់ឈ្នះជាច្រើនទៀត ផងដែរ ។
ទីតាំងនេះ ត្រូវបានគេកត់សម្គាល់ឃើញថា បើកលេងដំណើរទាំងយប់ថ្ងៃ ពិសេស នៅពេលយប់តែងមានក្រុមក្មេងស្ទាវ និងក្មេងទំនើងជាច្រើន តែងចូលទៅលេងកម្សាន្ត ។
ពិនិត្យ និងមានវិធានការណ៍ចំពោះទីតាំងល្បែងខុសច្បាប់ដ៏ធំនេះផងដែរ ព្រោះថា ទីតាំងដែលមានល្បែងស៊ីសង គឺជាប្រភព នៃការបង្កអោយមានបទល្មើស និងអំពើអន្តិសុខផ្សេងៗដល់សង្គមជាតិ ដែលបង្កឡើងពីសំណាក់ក្រុមអ្នកចាញ់ តែនាំគ្នាប្រព្រឹត្តិ អំពើលួចប្លន់ជាដើម ។
ចែករំលែកព័តមាននេះ