នូវែលហ្សេឡង់ ៖ ប្រទេសនូវែលហ្សេឡង់ កំពុងតែលក្ខណៈល្អប្រសើរឡើងវិញបានជាងបីខែមកហើយ បន្ទាប់ពីមានការផ្ទុះករណីឆ្លងលើកទីមួយ នៅក្នុងប្រទេសរបស់ខ្លួន។ ដោយឡែកពេលនេះ ក្រុង Auckland ត្រូវបានត្រឡប់ទៅជាបិទម្តងទៀត ដោយសារតែមានករណីឆ្លងក្នុងសហគមន៍។
១០២ថ្ងៃរបស់ប្រទេសនូវែលហ្សេឡង់ ដោយគ្មានការឆ្លងក្នុងសហគមន៍ ត្រូវបានបញ្ចប់ដោយសេចក្តីប្រកាសកាលពីថ្ងៃអង្គារ៍ លើករណីឆ្លងថ្មីចំនួន៤ នៅក្នុងគ្រួសារមួយនៅក្រុង Auckland ដែលជាទីក្រុងធំបំផុតរបស់ប្រទេស។ ឥឡូវនេះ រដ្ឋាភិបាលកំពុងព្យាយាមបញ្ឈប់ការរីករាលដាលនៃវីរុស និងចៀសវាងជោគវាសនារបស់ប្រជាជាតិ កុំឱ្យដូច អូស្ត្រាលី ជប៉ុន និងវៀតណាម ដែលបន្ទាប់ពីទទួលបានជោគជ័យដំបូងក្នុងគ្រប់គ្រងកូវីដ១៩ តែមកត្រូវរងគ្រោះដោយសាររលកទី២នេះម្តងទៀត។
នាយករដ្ឋមន្ត្រី Jacinda Ardern បានដាក់ទីក្រុង Auckland ស្ថិតនៅក្នុងការចាក់សោរក្នុងរយៈពេលបីថ្ងៃដំបូង ខណៈដែលអាជ្ញាធរព្យាយាមតាមដានពីប្រភពដើមនៃការឆ្លង។ ច្បាប់ និងការរក្សាគម្លាតសង្គមទៅនឹងការប្រមូលផ្ដុំ ត្រូវបានរៀបចំឡើងវិញនៅទូទាំងប្រទេស ដោយគំរាមកំហែងដល់ការស្ទុះងើបសេដ្ឋកិច្ចឡើងវិញ។
ក្នុងចំណោមករណីថ្មីទាំងបួន ករណីពីរ គឺសហសេវិកការងាររបស់បុរសម្នាក់ដែលបានធ្វើតេស្តវិជ្ជមាន និងពីរទាក់ទងនឹងគ្រួសារដែលករណីមួយក្នុងចំណោមករណីទាំងនោះស្ថិតនៅ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ