រាជធានីភ្នំពេញ ៖ ប៉ុន្មានថ្ងៃចុងក្រោយនេះ មានការភ្ញាក់ផ្អើលមួយជុំវិញ ជីវិតពលករខ្មែរមួយរូបបម្រើការជាកម្មករទូកនេសាទ តែបានជួបគ្រោះអកុសលផ្ទុះហ្គាសនៅលើទូកនេសាទ បណ្តាលឲ្យឆេះរលាកខ្លួន និងមុខ ហើយកាន់តែអណោចអធម៌ទៀតនោះទូកនេសាទក៏លិចក្នុងសមុទ្រ ដូច្នេះពលករខ្មែររូបនេះបានបណ្តែតខ្លួនជាមួយកាដុង…
រាជធានីភ្នំពេញ ៖ ប៉ុន្មានថ្ងៃចុងក្រោយនេះ មានការភ្ញាក់ផ្អើលមួយជុំវិញ ជីវិតពលករខ្មែរមួយរូបបម្រើការជាកម្មករទូកនេសាទ តែបានជួបគ្រោះអកុសលផ្ទុះហ្គាសនៅលើទូកនេសាទ បណ្តាលឲ្យឆេះរលាកខ្លួន និងមុខ ហើយកាន់តែអណោចអធម៌ទៀតនោះទូកនេសាទក៏លិចក្នុងសមុទ្រ ដូច្នេះពលករខ្មែររូបនេះបានបណ្តែតខ្លួនជាមួយកាដុង លើផ្ទៃសមុទ្រដាច់បាយ ដាច់ទឹក ៤យប់ ៤ ថ្ងៃ ទម្រាំត្រូវបានគេប្រទះឃើញ និងជួយសង្គ្រោះនោះ ។
យ៉ាងណាមិញ ឧបទ្ទវហេតុផ្ទុះធុងហ្គាស នៅលើទូកនេសាទ បណ្តាលឱ្យលិចក្នុងសមុទ្រត្រូវបានជនរងគ្រោះបង្ហោះជាវីដេអូស្រែករកការជួយសង្គ្រោះ និងបានផ្តាំទៅប្រពន្ធកូន និងដង្ហោយរកការជួយសង្គ្រោះដោយក្តីឈឺផ្សារ ដោយសារតែរបួសនៃការរលាក និងអណ្តែងលើផ្ទៃសមុទ្រអស់រយៈពេល ៤យប់៤ថ្ងៃ ទម្រាំគេប្រទះឃើញយកទៅព្យាបាលនៅមន្ទីរពេទ្យ ។
កាលពីថ្ងៃទី ១២ សីហាម្សិលមិញនេះ ស្ថានទូតខ្មែរប្រចាំនៅប្រទេសថៃ បានចុះមកសួរសុខទុក្ខ ពលកររងគ្រោះដែលមានឈ្មោះពិតថា លោក វ៉ាន់ ឡុន អាយុ២៥ ឆ្នាំ និងមានស្រុកកំណើតនៅខេត្តកំពង់ឆ្នាំង និងបានជួបគ្រោះថ្នាក់នៃការផ្ទុះហ្គាសនៅលើទូកនេសាទ នៅខេត្តរ៉ាក់យ៉ង ប្រទេសថៃ ដែលការពិតទៅហេតុការនៃការផ្ទុះឆេះរលាកខ្លួនរបស់ពលករខ្មែរនេះ គឺកើតឡើងតាំងពីដែលបានជួបឧបទ្ទវហេតុផ្ទុះធុងហ្គាសនៅលើទូកនេសាទ បណ្តាលឱ្យលិចក្នុងសមុទ្រ កាលពីថ្ងៃទី២៦ ខែកក្កដា ឆ្នាំ២០២០ កន្លងទៅ ។
មន្ត្រីស្ថានទូតខ្មែរប្រចាំប្រទេសថៃបានបញ្ជាក់ថា ករណីនេះ គឺធ្លាប់តែលឺក្នុងរឿងភាពយន្ត តែនេះជារឿងពិតដែលពលករខ្មែរមានជីវិតថ្លៃ ក្រោយផ្ទុះធុងហ្គាសនៅលើទូកនេសាទរបស់គាត់ បណ្តាលឲ្យទូកលិច ត្រូវរសាត់អណ្តែងលើផ្ទៃសមុទ្រ ៤ ថ្ងៃ ជាមួយកាដុង ទម្រាំគេរកឃើញ ។ បច្ចុប្បន្នគាត់បានចេញពីមន្ទីរពេទ្យ និងបន្តស្នាក់នៅបន្ទប់ជាមួយបងប្អូនរបស់គាត់ ។
មន្ត្រីស្ថានទូតខ្មែរបានអះអាងថា ស្ថាតទូតនឹងទំនាក់ទំនងជាមួយនិយោជករបស់គាត់ដើម្បីទាមទារនូវអត្ថប្រយោជន៍ផ្សេងៗសម្រាប់ពលករខ្មែរដែលជួបគ្រោះថ្នាក់ពេលបំពេញការងារ លោក វ៉ាន់ ឡុន បានរៀបរាប់ប្រាប់មន្ត្រីស្ថានទូតខ្មែរថា នៅថ្ងៃកើតហេតុ គឺគាត់ចេញទូកតែម្នាក់ឯង ហើយគាត់នៅធ្វើការជាមួយថៅកែដែលលោក បានជួបគ្រោះថ្នាក់ការងារបាន៥ ឆ្នាំហើយ ។
លោកបានរៀបរាប់ថា ពេលរលាកពេញខ្លួននោះ គឺលោកពុំមានសង្ឃឹមថា នឹងមានជីវិតរស់នៅឡើយ ព្រោះពេលរសាត់អណ្តែតលើសមុទ្រអត់មានអីហូបនោះទេ ដូច្នេះលោកបានហូបទឹកប្រៃធ្វើឲ្យក្រពះក្រហាយផ្សា រួចផឹកទឹកសមុទ្របានមួយសន្ទុះក៏ក្អួតចេញមកវិញ ដៃ និងជើងដែលឆេះរលាកក៏ត្រូវទឹកសមុទ្រប្រៃធ្វើឲ្យឈឺផ្សារផង ហើយផ្នែកខ្លះនៃដៃជើង ក៏ត្រូវត្រីចឹកស៊ីខ្លះៗ តែយ៉ាងណាមិញពេលនេះសុខភាពលោករាងធូរស្បើយហើយ ។
បើក្រឡេកទៅមើលវីដេអូ ៣ ឃ្លីបរបស់ពលករខ្មែររងគ្រោះ ដែលសំបុរស្រអែមបានផ្តាំផ្ញើមកប្រពន្ធ និងកូននៅស្រុកខ្មែរថា «បើឃើញវីដេអូហើយ អូនកុំយំ សង្ឃឹមថា អូនឯងមើលថែកូនបានល្អ» ។ ដែលក្នុងវីដេអូ យើងបានឃើញមុខមាត់ត្រូវភ្លើងឆេះរោលឡើងខ្មៅ ហើយជនរងគ្រោះស្រែករកជំនួយទាំងក្តីឈឺផ្សារ ហើយវីដេអូនោះត្រូវបានអ្នកលេងបណ្តាញសង្គមចែកចាយយ៉ាងផុសផុល ។ វីដេអូមួយនោះ គឺលោកបានពោលទាំងអួលដើម.ក អមនឹងក្តីឈឺផ្សារនៃមុខរបួសដែលរលាកឡើងរោលខ្មៅមុខនិងដងខ្លួន ផ្តាំប្រពន្ធថា «សង្ឃឹមថាអូនឯងបានឃើញវីដេអូឃ្លីបនេះ ។
នេះជាដង្ហើមចុងក្រោយរបស់បង អង្គុយលើពងម្នាក់ឯង ទូកក៏លិចគ្មានអីទីពឹងទៀតទេ ។ បើគ្មានឃើញទូកមកក្បែរផង មានតែស្លាប់ហើយ ។ មើលមុខបងឆេះអស់ហើយ មិនដូចមុនទេ» ៕
ចែករំលែកព័តមាននេះ