ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា យ៉ាងហោចណាស់ ស្ត្រីចំនួន៥នាក់បានបាត់បង់ជីវិត ចំណែកស្ត្រីចំនួន៣នាក់ផ្សេងទៀតបានរងរបួសធ្ងន់ ក្នុងហេតុការណ៍បាក់ដងសន្ទូចនៅក្នុងការដ្ឋានសំណង់អគារមួយកន្លែង ស្ថិតនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា យ៉ាងហោចណាស់ ស្ត្រីចំនួន៥នាក់បានបាត់បង់ជីវិត ចំណែកស្ត្រីចំនួន៣នាក់ផ្សេងទៀតបានរងរបួសធ្ងន់ ក្នុងហេតុការណ៍បាក់ដងសន្ទូចនៅក្នុងការដ្ឋានសំណង់អគារមួយកន្លែង ស្ថិតនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត កាលពីវេលាម៉ោងជាង២រសៀលនេះថ្ងៃទី១២ ខែសីហា ឆ្នាំ២០២០នេះ ។
សមត្ថកិច្ចបានឱ្យដឹងបឋមថា មុនពេលកើតហេតុ ជនរងគ្រោះកំពុងអង្គុយលេងនៅជិតការដ្ឋានសំណង់ខាងលើនោះ ស្រាប់តែដងសន្ទួចនោះបានបាក់មកសង្កត់ពីលើពួកគាត់ បណ្តាលឱ្យមានអ្នកបាត់បង់ជីវិត និងអ្នករងរបួសធ្ងន់តែម្តង ។
បន្ទាប់ពីកើតហេតុ គេសង្កេតឃើញអាជ្ញាធរខេត្តដឹកនាំដោយលោកអ៊ុំ រាត្រី កំពុងចុះមកដល់កន្លែងកើតហេតុ ដើម្បីពិនិត្យផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ