រុស្ស៊ី ៖ ប្រធានាធិបតីហ្វីលីពីន រ៉ូឌ្រីហ្គោឌូទើតេ (Rodrigo Duterte) បានទទួលយកការផ្តល់វ៉ាក់សាំងការពារកូវីដ១៩ ដោយស្ម័គ្រចិត្តក្នុងការចាក់លើកដំបូង ក្នុងកាយវិការជឿទុកចិត្ត និងការត្រេកអរដឹងគុណចំពោះការផ្តល់ជូន។…
រុស្ស៊ី ៖ ប្រធានាធិបតីហ្វីលីពីន រ៉ូឌ្រីហ្គោឌូទើតេ (Rodrigo Duterte) បានទទួលយកការផ្តល់វ៉ាក់សាំងការពារកូវីដ១៩ ដោយស្ម័គ្រចិត្តក្នុងការចាក់លើកដំបូង ក្នុងកាយវិការជឿទុកចិត្ត និងការត្រេកអរដឹងគុណចំពោះការផ្តល់ជូន។
លោកប្រធានាធិបតី បានមានប្រសាសន៍ថា៖ «នៅពេលវ៉ាក់សាំងមកដល់ ខ្ញុំនឹងចាក់ខ្លួនឯងនៅសាធារណៈ។ ការពិសោធន៍លើខ្ញុំជាមុន វាមិនអីទេសម្រាប់ខ្ញុំ»។
លោកបាននិយាយថា ហ្វីលីពីនត្រៀមខ្លួនជួយដល់ប្រទេសរុស្ស៊ីក្នុងការសាកល្បងព្យាបាលនិងផលិតកម្មក្នុងស្រុក។
ហ្វីលីពីនមានករណីឆ្លង ១៣៦,៦៣៨ករណី ដែលបានអះអាងថា ជាប្រទេសមានចំនួនខ្ពស់បំផុតនៅអាស៊ីអាគ្នេយ៍។ កាលពីថ្ងៃច័ន្ទ ប្រទេសនេះបានរាយការណ៍ពីការឆ្លងថ្មីចំនួន ៦,៩៥៨នាក់ ដែលជាការកើនឡើងប្រចាំថ្ងៃដ៏ធំបំផុត ដែលក្រសួងសុខាភិបាលសន្មតថាមានកំហុសនៅក្នុងមូលដ្ឋានទិន្នន័យរបស់ខ្លួន ដែលមិនបានរាប់បញ្ចូលលទ្ធផលតេស្តមុនៗ។
កាលពីខែមុន លោក Duterte បាននិយាយថា លោកក៏បានស្នើសុំឱ្យប្រធានាធិបតីចិនលោកស៊ីជិនពីង ជួយហ្វីលីពីនទទួលបានសិទ្ធិជាអាទិភាពក្នុងការចាក់វ៉ាក់សាំងកូវីដ១៩ ផងដែរ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ