រាជធានីភ្នំពេញ ៖ បើទោះបីជាពិភពលោកកំពុងជួបវិបត្តិកូវីដ១៩ កូរពិភពលោកលោកឡើងវ៉ល់យ៉ាងណាក៏ដោយ ក៏បច្ចុប្បន្នជំងឺឆ្លងមួយនេះមិនបានធ្វើឱ្យរាំងស្ទះនៃការផលិតបច្ចេកវិទ្យាទំនើបនោះដែរ ហើយប្រជាជនខ្លះមិនបានគិតដល់ ឬខ្វាយខ្វល់អំពីហិរញ្ញវត្ថុរបស់ខ្លួន ក្នុងសម័យបច្ចុប្បន្ននេះផងដែរ ។
អ្នកខ្លះបានចំណាយថវិកា ឬហិរញ្ញវិត្ថុរបស់ខ្លួនទៅលើរបស់ ឬសម្ភារៈនានាដែលមានតម្លៃថ្លៃដូចជា សំលៀកបំពាក់ ស្បែកជើង ទូរស័ព្ទ និងឡានស៊េរីទំនើបជាដើមដែលនេះគ្រាន់តែចង់បង្ហាញគេគ្រប់គ្នាថា ឡួយឆាយ ឬជាអ្នកមាន ។
យ៉ាងណាមិញ អ្នកមានជំនាញផ្នែកអចលនទ្រព្យម្នាក់ដែលគាត់ចាប់ផ្តើមតាំងពីបាតដៃទទេរហូតក្លាយខ្លួនជាម្នាស់ក្រុមហ៊ុនរៀលអ៊ីស្តេត បានលើកយកបទពិសោធន៍របស់លោកផ្ទាល់ដែលលោកធ្លាប់បានឆ្លងកាត់នូវជំនាន់ដែលក្នុងប្រទេសកម្ពុជាបានជួបនូវវិបត្តិសេដ្ឋកិច្ច ដែលក្នុងនោះលោកមិនចង់ឱ្យពាណិជ្ជករវ័យក្មេងជាច្រើន នាពេលបច្ចុប្បន្នដែលកំពុងឈ្លក់វង្វែងនឹងភាពហ៊ឺហារបស់ខ្លួនលិចលង់កាន់តែជ្រៅ ។
លោក គីម ហ៊ាង ជាប្រធានក្រុមហ៊ុនខ្មែររៀលអ៊ីស្តេត (Khmer Real Estate Co.,Ltd) បាននិយាយថា «មានពាណិជ្ជករវ័យក្មេងជាច្រើនកំពុងឈ្លក់វង្វែងនឹងភាពហ៊ឺហា ភាពឆើតឆាយ សម្ភារៈនិយមជ្រុលហួសហេតុ ហើយយកសំបក ឬខោអាវថ្លៃជាងខ្លួន ។ ខ្ញុំបានឆ្លងកាត់សម័យវិបត្តិសេដ្ឋកិច្ចក្នុងតំបន់ ឆ្នាំ១៩៩៧ វិបត្តិសេដ្ឋកិច្ចពិភពលោកឆ្នាំ២០០៨ និងកំពុងឆ្លងកាត់វិបត្តិពិភពលោក Covoid19 ផងដែរ» ។ លោកបានបន្តថា ដូចនេះហើយ ទើបលោកសូមចែករំលែកនូវវិធីសាស្ត្រមួយចំនួនដូចខាងក្រោម ៖ ១- កុំចំណាយលើសពី៩% នៃទ្រព្យសម្បត្តិសរុបទៅលើរថយន្តទំនើប និងប្រណិត១គ្រឿង ព្រោះយើងត្រូវការដើមទុន ដើម្បីបង្កើនប្រាក់ចំណេញ និងពង្រីកអាជីវកម្ម ! ២- កុំចំណាយលើសពី ១០% នៃទ្រព្យសម្បត្តិសរុបទៅលើផ្ទះនៅប្រចាំថ្ងៃ ព្រោះយើងនៅវ័យក្មេង ឱកាសរកលុយនៅមានច្រើន គួរទុកដើមទុនទាំងនោះទៅពង្រីក និងពង្រឹងអាជីវកម្ម! ៣- កុំខ្ចីធនាគារលើសពី ៣០% នៃទ្រព្យសម្បត្តិសរុប ព្រោះបើបំណុលក្រោម ៣០% គឺយើងអាចគ្រប់គ្រងបាន ទោះស្ថិតក្នុងស្ថានភាពលំបាកយ៉ាងណាក៏ដោយ ! ៤ – បើកក្រុមហ៊ុនរកស៊ី គឺដើម្បីប្រាក់ចំណេញ មិនមែន ដើម្បីអួតប្រាប់គេថា ខ្លួនជាម្ចាស់អាជីវកម្ម ចេះរកស៊ី មិនមែនទំនេរទេ ព្រោះបើបើកមក ដើម្បីតែខាតកុំបើកល្អជាង ! ៥ – បើអ្នកមានលុយពិតនោះធ្វើអ្វីទិញអ្វី ប្រើរបស់ប្រណិតអ្វី គឺសុទ្ធតែសមទាំងអស់ តែបើភាពមានបាននៅមានកំរិតនោះសូមទុកលុយរកស៊ីទៅវាល្អជាងហ៊ឺហាតែសំបកក្រៅ! ។
គួរបញ្ជាក់ផងដែរថា ជារឿយៗមានការលើកឡើងស្រដៀងគ្នាដូចលោកផងដែរថា មានមនុស្សខ្លះ មិនបានខ្វល់នូវអ្វីទាំងអស់ សំខាន់ឱ្យបានរបស់ ឬសម្ភារៈថ្លៃៗមកប្រើប្រាស់ បើទោះបីត្រូវចំណាយទឹកប្រាក់ប៉ុណ្ណាក៏ហ៊ាន ទាំងដែលអ្នកខ្លះគ្រាន់តែចង់អួត និងបង្ហាញថា ខ្លួនជាអ្នកមាន និងខ្លះទៀតមានបំណុលនៃសម្ភារៈនេះ និងខ្លះទៀតមានឡានថ្លៃៗជិះ ប៉ុន្តែនៅផ្ទះជួលគេក៏មាន ៕
ចែករំលែកព័តមាននេះ