រាជធានីភ្នំពេញ ៖ តារាសម្តែងស្រីសាច់.សខ្ចី ដែលមានរហ័ស្សនាមជាតារាស្លៀកពាក់សិចស៊ី នាង ជា ម៉ារី បានធ្វើអោយមហាជនរិះគន់នាងយ៉ាងខ្លាំង ទៅលើការជ្រើសរើសឈុតសម្លៀកបំពាក់ដែលនាងបានគ្រងនាឱកាសពិធីខួបកំណើតរបស់ខ្លួន កាលពីពេលថ្មីៗនេះ ព្រោះអ្នករិះគន់មួយចំនួនបានលើកឡើងថា វាមិនសមទាល់តែសោះ ដែលនាងបានជ្រើសយកការស្លៀកពាក់ឈុតប៊ីគីនី ក្នុងកម្មវិធីបែបនេះ ។
ជាការពិតណាស់ នៅក្នុងថ្ងៃខួបកំណើតរបស់តារាសម្តែងស្រីរូបនេះបានប្រារព្ធធ្វើពិធីរបស់ខ្លួននៅអាងហែលទឹកមួយកន្លែងដោយនៅក្នុងនោះជា ម៉ារី បានជ្រើសយកការស្លៀកឈុតហែលទឹកប្រភេទប៊ីគីនី ជាលក្ខណៈស្បៃស្របពេលដែលខ្លួនកំពុងតែពរពោះកាន់តែធំជិតគ្រប់ខែទៅហើយ ។
ដោយនៅក្នុងកម្មវិធីនោះរូបនាងផ្ទាល់ មិនបានអញ្ជើញភ្ញៀវចូលរួមច្រើនប៉ុន្មាននោះទេ មានតែមិត្តភក្ដិជិតស្និទ្ធិ និងគ្រួសាររបស់នាងតែប៉ុណ្ណោះ ដោយទិដ្ឋភាពក្នុងពិធីអ្នកចូលរួមក៏បានស្លៀកជាឈុតហែលទឹក បែបឈុតប៊ីគីនីទាំងអស់គ្នាផងដែរ ដែលនាំអោយកម្មវិធីមើលទៅកាន់តែប្លែក និងរាងសិចស៊ីបន្តិចផងដែរ ។
យ៉ាងណាមិញ ក្រោយពីទទួលបានការរិះគន់ជាច្រើនពីសំណាក់មហាជនតាមរយៈទិដ្ឋភាពដែលបានឃើញនៅក្នុងកម្មវិធី ជា ម៉ារី ពិតជាទទួលបានការមិនពេញជាច្រើន រហូតបានធ្វើអោយរូបនាងចេញមុខបកស្រាយយ៉ាងចំៗ តាមរយៈបណ្តាញសង្គមហ្វេសប៊ុកថា « យ៉ាប់ណាស់ ប្រហែលគាត់មិនដែលនាំក្រុមគ្រួសារគាត់ទៅហែលទឹកហើយបាន គាត់មិនដឹងថា កន្លែងហេតុ តែគេពាក់បែបមិច ។ អូ … ខ្ញុំភ្លេចប្រាប់ថា ខ្ញុំមិនបានចង់ល្បីទេ បើខ្ញុំចង់ល្បីខ្ញុំឲ្យលុយអ្នកកាសែតចុះបាត់ហើយ នេះខ្ញុំផុសក្នុងគណនីផ្ទាល់ខ្លួនរបស់ខ្ញុំ ជីវិតឯកជនរបស់ខ្ញុំ ហើយកន្លែងធ្វើខួបខ្ញុំម៉ៅដាច់សម្រាប់ធ្វើ Bikini Party ។ ពូស្គាល់ Bikini Partyអត់? បើអត់ស្គាល់ពូអាចទៅសួរកន្លែងហែលទឹកបានថា ពេលហែលទឹកគេពាក់បែបម៉េច?» ។
គួរបញ្ជាក់ផងដែរថា នេះមិនមែនជាលើកទី១ នោះទេ ដែលតារាសម្តែងស្រីរូបនេះទទួលបានការរិះគន់ទៅលើការស្លៀកពាក់បែបនេះ ពីព្រោះតែនាពេលកន្លងមកនេះរូបនាងតែងតែបង្ហោះរូបភាព ស្លៀកពាក់សិចស៊ី ជានិច្ច តាមរយៈបណ្តាញសង្គមរបស់នាង បើទោះបីជាពេលរូបនាងកំពុងតែពពោះក៏ដោយ ក៏ជា ម៉ារីនៅតែបញេ្ចញភាពសិចស៊ី ដងខ្លួនស្រឡូន ជើងវែងៗ របស់ខ្លួនដដែល ៕
ចែករំលែកព័តមាននេះ