ស្កុតឡែន ៖ យោងតាមការចុះផ្សាយពីគេហទំព័រ Sky Sports បានអោយដឹងថារដ្ឋាភិបាលនៃប្រទេសស្កុតឡែន បានព្រមានថានឹងផ្អាកសកម្មភាពទាំងស្រុង នៃការប្រកួតប្រជែងក្របខណ្ឌបាល់ទាត់លីគកំពូល Premiership រដូវកាលនេះ…
ស្កុតឡែន ៖ យោងតាមការចុះផ្សាយពីគេហទំព័រ Sky Sports បានអោយដឹងថារដ្ឋាភិបាលនៃប្រទេសស្កុតឡែន បានព្រមានថានឹងផ្អាកសកម្មភាពទាំងស្រុង នៃការប្រកួតប្រជែងក្របខណ្ឌបាល់ទាត់លីគកំពូល Premiership រដូវកាលនេះ បន្ទាប់ពីកីឡាករ Boli Bolingoli របស់ក្រុម Celtic បានរំលោភបំពានលើច្បាប់ ទប់ស្កាត់ការឆ្លងរាលដាលនៃវីរុសកូវីដ១៩។
ការប្រកួតចំនួន២គូក្នុងរាត្រីថ្ងៃពុធនេះ របស់ក្រុម Celtic និងក្រុម Aberdeen ត្រូវបានលុបចោល បន្ទាប់ពីកីឡាករពួកគេ បានរំលោភបំពានច្បាប់ចត្តាឡីស័ក (ការដាក់នៅដាច់ដោយឡែក)។
រដ្ឋមន្ត្រីទីមួយនៃប្រទេសស្កុតឡែនលោកស្រី Nicola Sturgeon គឺជាអ្នកទាមទារអោយលុបចោលការប្រកួតទាំងពីរខាងលើ។ បន្ទាប់ពីខ្សែការពារបែលហ្ស៊ិក Boli Bolingoli បានវិលត្រឡប់មកពីប្រទេសអេស្ប៉ាញវិញ ដោយមិនបានធ្វើចត្តាឡីស័ក មុនពេលការប្រកួតនេះកើតឡើង។ ខណៈដែលកាលពីចុងសប្តាហ៍ កីឡាករចំនួន៨នាក់របស់ក្រុម Aberdeen ក៏បានរំលោភបំពានលើច្បាប់ទប់ស្កាត់កូវីដ១៩ផងដែរ បន្ទាប់ពីពួកគេបានទៅជួបជុំនៅបាររាត្រីជាមួយគ្នា៕ (ដកស្រង់ចេញពី Sky Sports និង BBC)
ចែករំលែកព័តមាននេះ