ប្រទេសលីបង់ ៖ នាយករដ្ឋមន្ត្រីលីបង់លោកហាសាន់ឌីអាប ប្រកាសនាយប់ថ្ងៃទី១០ សីហា ពី
ការសុំលាលែងរបស់រដ្ឋាភិបាលលោក ក្រោយការចាកចេញរបស់រដ្ឋមន្ត្រីច្រើនរូប ក្រោមការគាបសង្កត់នៃបាតុកម្មដែលពោរពេញដោយកំហឹង ក្រោយការផ្ទុះដ៏ខ្លាំងពីរនៅកំពង់ផែក្រុងបេរូតបណ្ដាលឲ្យមានការបំផ្លាញដ៏ធំធេងមក ។
ពួកអ្នកតវ៉ាបានចោទប្រកាន់វណ្ណៈនយោបាយថា ជាអ្នកទទួលខុសត្រូវចំពោះការផ្ទុះដ៏ខ្លាំងទាំង២នោះនៅកំពង់ផែក្រុងបេរូត និងបរិហារពីអំពើពុករលួយដែលនាំឲ្យមានការផ្ទុះកក្រើកដូចការររញ្ជួយដីនោះ ។ ដោយចាត់ទុកខ្លួនលោកជាអ្នកឯករាជ្យមួយរូប លោកហាសាន់ឌីអាប ត្រូវបានតែងតាំងជានាយករដ្ឋមន្ត្រី ជាការឆ្លើយតបចំពោះការបះបោរតវ៉ា ដែលជម្រុញឲ្យនាយករដ្ឋមន្ត្រីមុន លោកសាអាដហារីរីសុំលាលែងចេញពីតំណែង ។
ពេលលោកចាប់ផ្ដើមថ្លែងសុន្ទរកថាមួយ ការប៉ះទង្គិចគ្នានានាកើតមាននាកណ្ដាលក្រុងនៅច្រក
ចូលសភាជាបាតុកម្ម៣យប់ជាប់គ្នា ។ ពួកបាតុករបានគប់ដុំថ្មនិងផាវលើកងកម្លាំងសន្តិសុខ ដែលបានតបតវិញដោយការបាញ់ឧស្ម័នបង្ហូរទឹកភ្នែក ។
ជាប្រមុខរដ្ឋាភិបាលចាប់តាំងពីជិត៧ខែមកហើយ លោកហាសាន់ឌីអាប បានធ្វើការប្រកាស ពីការលាលែងរបស់រដ្ឋាភិបាលលោកប្រាប់ដល់ប្រជាជាតិ ។ លោកថាពេលនេះខ្ញុំសូមប្រកាសពី
ការលាលែងរបស់រដ្ឋាភិបាលនោះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ