បារាំង ៖ ការពាក់ម៉ាសបានក្លាយជាកាតព្វកិច្ចនៅក្នុងមណ្ឌលទេសចរណ៍នានាក្នុងទីក្រុងប៉ារីស កាលពីថ្ងៃច័ន្ទ ចំពេលមានការព្រមានអំពីការលេចចេញជាថ្មីនៃករណីឆ្លងកូវីដ១៩ ដោយសារការឆ្លងនៅក្នុងប្រទេសដែលរងគ្រោះខ្លាំងបំផុតនៅលើពិភពលោក ដោយសហរដ្ឋអាមេរិកបានឈានដល់ចំនួន ៥លាននាក់។ ការកំណត់បែបនេះ បានកើតឡើងនៅពេលប្រទេសបារាំងរួមជាមួយអឺរ៉ុបខាងលិចជាច្រើន…
បារាំង ៖ ការពាក់ម៉ាសបានក្លាយជាកាតព្វកិច្ចនៅក្នុងមណ្ឌលទេសចរណ៍នានាក្នុងទីក្រុងប៉ារីស កាលពីថ្ងៃច័ន្ទ ចំពេលមានការព្រមានអំពីការលេចចេញជាថ្មីនៃករណីឆ្លងកូវីដ១៩ ដោយសារការឆ្លងនៅក្នុងប្រទេសដែលរងគ្រោះខ្លាំងបំផុតនៅលើពិភពលោក ដោយសហរដ្ឋអាមេរិកបានឈានដល់ចំនួន ៥លាននាក់។
ការកំណត់បែបនេះ បានកើតឡើងនៅពេលប្រទេសបារាំងរួមជាមួយអឺរ៉ុបខាងលិចជាច្រើន បានជួបប្រទះនឹងការកើនសីតុណ្ហភាពអាកាសធាតុឡើងខ្ពស់ជាង ៣៥អង្សាសេ។ កំដៅខ្លាំងបានបណ្តាលឱ្យហ្វូងមនុស្សប្រមូលផ្តុំគ្នានៅឆ្នេរខ្សាច់នៅចុងសប្តាហ៍ ទោះបីជាមានការព្រមានផ្នែកសុខភាពអំពីហានិភ័យនៃការឆ្លងក៏ដោយ។
ដោយឡែកនៅទីក្រុងប៊ែកឡាំង កុមាររាប់ពាន់នាក់បានវិលត្រឡប់ទៅសាលារៀនវិញនៅថ្ងៃច័ន្ទ បន្ទាប់ពីការឈប់សម្រាករដូវក្តៅ។ ពួកគេត្រូវពាក់ម៉ាសដែលជាកាតព្វកិច្ចនៅក្នុងតំបន់រួមដូចជាទីធ្លាសាលា។ សាលារៀននៅតំបន់ខ្លះ នៃប្រទេសអាល្លឺម៉ង់ ក៏បានបើកដំណើរការម្តងទៀត ទោះបីជាមានច្បាប់ផ្សេងៗគ្នាលើការពាក់ម៉ាសក៏ដោយ។
ប្រជាជននៅទីក្រុងប៉ារីស ដែលមានអាយុ១១ឆ្នាំឡើងទៅ ឥឡូវត្រូវពាក់ម៉ាសនៅតំបន់ដែលមានមនុស្សច្រើន និងកន្លែងទេសចរណ៍។ ទាំងនេះរួមបញ្ចូលទាំងច្រាំងទន្លេ Seine និងផ្លូវជាង ១០០ នៅក្នុងរដ្ឋធានី របស់ប្រទេសបារាំង រួមទាំងតំបន់ទេសចរណ៍ផ្សេងៗ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ