រាជធានីភ្នំពេញ ៖ តារាចម្រៀងស្រីជួរមុខនៅកម្ពុជា ដែលមានប្រជាប្រិយខ្លាំងនៅក្នុងស្រទាប់យុវវ័យ អ្នកនាង ឱក សុគន្ធកញ្ញា និងស្វាមី ព្រមទាំងកូនតូចរបស់នាងបានធ្វើអោយមហាជនភ្ញាក់ផ្អើលយ៉ាងខ្លាំង ក្រោយពីរូបនាង និងក្រុមគ្រួសារ បានធ្វើនូវរឿងគួរឲ្យកោតសរសើរ ប្រកបដោយចិត្តទឹកដ៏ប្រពៃនៅក្នុងការចុះទៅមើលទារិកកាតូច ដែលត្រូវបានគេបោះចោលនៅក្នុងគំនរសំរាម ដែលបង្ករការរឿងភ្ញាក់ផ្អើលមួយនៅក្នុងហ្វេសប៊ុកកាលពីប៉ុន្មានថ្ងៃមុននេះ ។
បន្ទាប់ពីមានការភ្ញាក់ផ្អើល និងស្វែងរកជំនួយចំពោះការរស់រានមានជីវិតពីឪពុកម្តាយចិត្តតិរិច្ឆានដាច់ចិត្តបោះចោលកូនបែបនេះ ទើបអ្នកនាង ឱក សុគន្ធកញ្ញា និងស្វាមី ព្រមទាំងកូនប្រុស បានទៅសួរសុខទុក្ខដល់ផ្ទះបងស្រីដែលជាម្តាយទី២ ដែលបានរើសទារិកាតូចនោះយកមកចិញ្ចឹមបីបាច់ថែរក្សា ។
ដោយនៅក្នុងនោះ កំពូលតារាចម្រៀងស្រីរូបនេះក៏បានផ្តល់ជាសម្ភារៈប្រើប្រាស់ និងថវិកាមួយចំនួន ដើម្បីជួយសម្រួល និងសម្រាលក្នុងការចិញ្ចឹម និងមើលថែទារិកាកម្សត់នេះទៅដល់បងស្រី អោយមើលថែរក្សាផងដែរ ។ នេះបើយាងតាមការបង្ហោះរបស់ម្ទាស់គណនីហ្វេសប៊ុកមួយឈ្មោះថា ពូ ឈីវ ។
គួរបញ្ជាក់ផងដែរថា បន្ទាប់ពីឃើញរូបភាព និងវីដេអូរួចមក ក៏មានមហាជនអ្នកគាំទ្រជាច្រើនរបស់តារាចម្រៀងរូបនេះ និងជាអ្នកម្តាយរបស់គេមួយរូបផងដែរ ក៏ទទួលបានការកោតសរសើរ នូវទឹកចិត្តដ៏ថ្លៃថ្លាចំពោះទារិកាតូចមួយនេះ ៕
ចែករំលែកព័តមាននេះ