រាជធានីភ្នំពេញ ៖ មន្ទីរសុខាភិបាលខេត្តកណ្តាលបានចេញសេចក្តីជូនដំណឹងបដិសេដ ករណីដែលលោក អ៊ុំ ឡេង ចៅសង្កាត់សិត្បូ ក្រុងតាខ្មៅ ខេត្តកណ្តាលថា បានធ្វើរបាយការណ៍ជូនលោកអភិបាលក្រុងតាខ្មៅ…
រាជធានីភ្នំពេញ ៖ មន្ទីរសុខាភិបាលខេត្តកណ្តាលបានចេញសេចក្តីជូនដំណឹងបដិសេដ ករណីដែលលោក អ៊ុំ ឡេង ចៅសង្កាត់សិត្បូ ក្រុងតាខ្មៅ ខេត្តកណ្តាលថា បានធ្វើរបាយការណ៍ជូនលោកអភិបាលក្រុងតាខ្មៅ ខេត្តកណ្តាល ស្តីអំពីសកម្មភាពរបស់អ្នកជំងឺផ្ទុកមេរោគកូវីដ១៩ រស់នៅភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្តាល ដែលទើប និងរកឃើញថ្មីនៅថ្ងៃទី០៨ ខែសីហា ឆ្នាំ២០២០ ថាបានធ្វើសកម្មភាពដូចក្នុង លិខិតលេខ ០១១/២០ របក ចុះថ្ងៃទី១០ ខែសីហា ឆ្នាំ២០២០ (បានធ្វើបាយសម្លជូនចាស់ៗ និងចែកប្រាក់ដល់ក្មេងៗព្រមទាំងធ្វើចង្ហាន់ទៅវត្ត ) គឺមិនត្រឹមត្រូវគ្មានប្រភពច្បាស់លាស់ខុសពីការ ចុះធ្វើអង្កេត តាមដាន ស្រាវជ្រាវ របស់មន្ត្រីជំនាញសុខាភិបាល និងការសហការផ្តល់ព័ត៌មានពីអ្នកជំងឺ និងក្រុមគ្រួសារបស់គាត់ ។
ជាក់ស្តែងមន្ត្រីជំនាញសុខាភិបាលបានសហការជាមួយអាជ្ញាធរគ្រប់ថ្នាក់អនុវត្តន៍តាមបច្ចេកទេសជំនាញជាជំហានៗ តាមវិធានការបង្ការទប់ស្កាត់ ការចម្លងជំងឺកូវីដ១៩ របស់ក្រសួងសុខាភិបាល ។ ក្រោយពីអ្នកជំងឺខាងលើទទួលលទ្ធផល តេស្តមេរោគកូវីដ ១៩ វិជ្ជមាន យើងបានចុះយកសំណាកដើម្បីធ្វើតេស្តរកមេរោគកវីដ១៩ ដល់សមាជិកក្រុមគ្រួសារអ្នកជំងឺដែលរស់នៅក្នុងផ្ទះជាមួយគ្នា ចំនួន៩នាក់ (ស្រី០៣នាក់) នៅថ្ងៃទី០៩ ខែសីហា ឆ្នាំ២០២០ ហើយលទ្ធផលតេស្តពីវិទ្យាស្ថានប៉ាស្ទ័របញ្ជាក់ថា អវិជ្ជមានទាំង ០៩នាក់ នៅវេលាយប់ថ្ងៃនោះដែរ ហើយអ្នកទាំង០៩នាក់ បាននឹងកំពុងដាក់ឲ្យធ្វើចត្តាឡីស័ក រយៈពេល១៤ថ្ងៃ នៅមណ្ឌលចត្តាឡីស័កក្នុងក្រុងតាខ្មៅ ដើម្បីបន្តការពិនិត្យអង្កេតតាមដាន និងព្យាបាល។
ជាបន្តមន្ត្រីសុខាភិបាល និងសហការជាមួយអាជ្ញាធរ អ្នកជំងឺ និងក្រុមគ្រួសារគាត់ ដើម្បីស្រាវជ្រាវ អង្កេតរកអ្នកប៉ះពាល់ដោយប្រយោលបន្ថែមទៀត ។
អាស្រ័យហេតុនេះ សូមបងប្អូនប្រជាពលរដ្ឋទាំងអស់ មេត្តាជ្រាបជាព័ត៌មាន ហើយក្នុង ករណីមានបញ្ហាសុខភាព ឬមានការសង្ស័យពីករណីឆ្លងជំងឺកូវីដ១៩ ៕
ចែករំលែកព័តមាននេះ