រាជធានីភ្នំពេញ ៖ យានដ្ឋានមួយនៅខាងក្រោយជាប់សាលាខណ្ឌដូនពេញ… ក្រុមអ្នកលក់ដូររថយន្តក្នុងតំបន់គួរជេរឡានវត្តភ្នំស្គាល់គ្រប់គ្នា គឺយានដ្ឋាន«តាហ៊ុយ» ។ បើចង់ចាក់អាប៉ោងមួយរន្ធស៊ីសងពីរាប់ពាន់ទៅរាប់ម៉ឺនដុល្លារ … មានយ៉ាងក្តៅនៅយានដ្ឋានតាហ៊ុយ ។
សាលាខណ្ឌដូនពេញ នៅជាប់គ្នាពេក ប្រៀបដូចភ្នែកនិងមាត់ឬភ្នែកនិងច្រមុះសង្ស័យមើលអត់ឃើញទេមើលទៅ ។ ប៉ុន្តែបើមើលមិនឃើញ ក៏ច្រមុះលោកប្រធានសង្ស័យធុំក្លិនខ្លះមិនខាន ។
ក្រុមអ្នកគួរជេរឡាននិយាយថា យានដ្ឋានតាហ៊ុយបើកល្បែងធំណាស់ … មានអាប៉ោង បៀ បុកប៊ីយ៉ា មួយគ្រាប់ៗរាប់រយដុល្លារ ឈានទៅមួយពាន់ក៏មានដែរ ស៊ីសងអ្នកលេងហ៊ានចាក់ភ្នាល់ ។
នៅមានទៀត គេថាមានជើងកាងម្នាក់ខ្លាំងណាស់ នៅអង្គុយខាងមុខចាំការពារ…ខាងក្នុងចាក់ម៉ាសេរី ជាពិសេសអាប៉ោងតែម្តង ។ នៅមានបៀស៊ីសងធំណាស់… បើទៅលេងកន្លែងតាហ៊ុយធានាសុវត្ថិភាពម៉ាឆ្ងាញ់…ហេ!ហេ!
ចែករំលែកព័តមាននេះ