រាជធានីភ្នំពេញ ៖ បន្ទាប់ពីខកខានការសិក្សាមួយរយៈពេល ដោយសារជំងឺកូវីដ១៩ ក្រសួងអប់រំយុវជន និងកីឡា បានសម្រេចអនុញ្ញាតឲ្យសាលារៀនថ្នាក់ទី៩ និងទី១២បើកបើកបង្រៀននៅក្នុងកំឡុងខែកញ្ញាឆ្នាំ២០២០ខាងមុខនេះ ដើម្បីត្រៀមប្រឡងសញ្ញាបត្រថ្នាក់ជាតិនៅខែធ្នូឆ្នាំ២០២០ ។…
រាជធានីភ្នំពេញ ៖ បន្ទាប់ពីខកខានការសិក្សាមួយរយៈពេល ដោយសារជំងឺកូវីដ១៩ ក្រសួងអប់រំយុវជន និងកីឡា បានសម្រេចអនុញ្ញាតឲ្យសាលារៀនថ្នាក់ទី៩ និងទី១២បើកបើកបង្រៀននៅក្នុងកំឡុងខែកញ្ញាឆ្នាំ២០២០ខាងមុខនេះ ដើម្បីត្រៀមប្រឡងសញ្ញាបត្រថ្នាក់ជាតិនៅខែធ្នូឆ្នាំ២០២០ ។
យោងតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡា ចេញផ្សាយនៅថ្ងៃទី១០ សីហា បានឲ្យដឹងថា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអនុញ្ញាតឲ្យសិស្សថ្នាក់ទី៩ និងសិស្សថ្នាក់ទី១២ នៃគ្រឹះស្ថានសាធារណៈ ចូលរៀននៅក្នុងដំណាក់ទី២ នៃការបើកដំណើរការគ្រឹះស្ថានសិក្សា នៅកំឡុងសីហា ឆ្នាំ២០២០ ក្នុងទ្រង់ទ្រាយតូច ដោយ១៥នាក់មួយថ្នាក់ ដោយគោរពតាមវិធានអនាម័យរបស់ក្រសួងសុខាភិបាល និងអង្កការសុខភាពពិភពលោក ដើម្បីត្រៀមចូលរួមការប្រឡង។
ក្រសួងបញ្ជាក់ថា ៖«ក្រសួងនឹងរៀបចំការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០១៩-២០២០ នៅខែធ្នូឆ្នាំ២០២០ខាងមុខ ។ ចំពោះការរៀបចំការសិក្សានៅតាមគ្រឹះស្ថានសិក្សាសាធារណៈសម្រាប់សិស្សថ្នាក់ដទៃទៀត ក្រសួងនឹងរៀបចំសេចក្តីណែនាំតាមក្រោយ»។
ក្រសួងក៏បានលើកឡើងថា ជាមួយគ្នានេះ សមាគមគ្រឹះស្ថានឧត្តមសិក្សាកម្ពុជា ដែលជាតំណាងគ្រះស្ថានសិក្សាឯកជន និងគ្រះស្ថានឯកជនដទៃទៀត បានស្ម័គ្រចិត្តពន្យាពេលការប្រឡងសញ្ញាបត្រមធ្យមសិក្សាទុតិយកភូមិ(បាក់ឌុប) ដើម្បីចូលរួមជាមួយការប្រឡងថ្នាក់ជាតិនៅខែធ្នូឆ្នាំ២០២០ ជាមួយនឹងគ្រឹះស្ថានសាធារណៈ ។
ជាមួយគ្នានោះដែរ ក្រសួងលក៏បានឲ្យសាធារណៈជន មាតា បិតា អ្នកអាណាព្យាបាលសិស្ស និងបេក្ខជនជ្រាប ។ ដោយឡែក វិទ្យាល័យ និងអនុវិទ្យាល័យទាំងអស់ត្រូវត្រៀមលក្ខណៈ ដើម្បីអនុវត្តកិច្ចការខាងលើ៕
ចែករំលែកព័តមាននេះ