រាជធានីភ្នំពេញ ៖ គណៈបញ្ជាការឯកភាពខណ្ឌចំការមន ចុះត្រួតពិនិត្យនិងណែនាំអាជីវកម្មខារ៉ាអូខេចំនួន៣ទីតាំង ដែលតម្រូវឲ្យបើកជាលក្ខណៈភោជនីយដ្ឋាន ដែលស្ថិតក្នុងភូមិ ១ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង៩យប់…
រាជធានីភ្នំពេញ ៖ គណៈបញ្ជាការឯកភាពខណ្ឌចំការមន ចុះត្រួតពិនិត្យនិងណែនាំអាជីវកម្មខារ៉ាអូខេចំនួន៣ទីតាំង ដែលតម្រូវឲ្យបើកជាលក្ខណៈភោជនីយដ្ឋាន ដែលស្ថិតក្នុងភូមិ ១ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង៩យប់ ថ្ងៃទី០៩ សីហា ឆ្នាំ២០២០។
គណៈបញ្ជាការឯកភាពខណ្ឌចំការមន ដឹកនាំផ្ទាល់របស់លោក កែវ សំណាង អភិបាលរង នៃគណៈអភិបាលខណ្ឌចំការមន តំណាង លោក ថេង សុថុល អភិបាល នៃគណៈអភិបាលខណ្ឌចំការមន និងសហការជាមួយកម្លាំងចម្រុះ បានចុះដឹកនាំកម្លាំងធ្វើការត្រួតពិនិត្យអាជីវកម្ម ខារ៉ាអូខេដែលបើកដំណើរការ ឲ្យប្រែក្លាយទៅជាភោជនីយដ្ឋាន វិញ តាមការណែនាំរបស់សាលារាជធានីភ្នំពេញ ដើម្បីចូលរួមការពារ និងទប់ស្កាត់ជំងឺកូវីដ១៩។
ការចុះត្រួតពិនិត្យអាជីវកម្មខារ៉ាអូខេ សរុបបានចំនួនទីតាំង៣ទីតាំង ក្នុងនោះ រួម
មានភោជនីយដ្ឋាន តន្រ្តីពិភពសុបិន្ត១៦៨, ដាវីសាច់អាំង ១៦៨ និងភោជនីយដ្ឋាន សប្បាយសប្បាយ ។
បន្ទាប់ពីកម្លាំងគណៈបញ្ជាការណ៍ឯកភាពបានត្រួតពិនិត្យទីតាំងអាជីវកម្មទាំង៣ខាងលើ ឃើញថាមានម៉ាស៊ីនវាស់កម្ដៅ និងទឹកអាល់កុល នៅខាងមុខទីហាង និងមានលិខិតបើកអាជីវកម្មស្របតាមការណែនាំរបស់ក្រសួងរាជរដ្ឋាភិបាល ក្រសួងសុខាភិបាល។
ជាចុងក្រោយគណៈបញ្ជាការឯកភាពខណ្ឌចំការមន បានណែនាំ និងឲ្យបន្ថែមសម្ភារមួយចំនួនទៀត ដល់ម្ចាស់អាជីវកម្មខាងលើ និងបន្តគោរពតាមការណែនាំរបស់ តាមការណែនាំរបស់សាលារាជធានីភ្នំពេញ ដើម្បីចូលរួមការពារ និងទប់ស្កាត់ជំងឺកូវីដ១៩។
ចែករំលែកព័តមាននេះ