ប្រទេសឥណ្ឌា ៖ អ្នកទទួលខុសត្រូវម្នាក់នៃរដ្ឋាភិបាលឥណ្ឌា ថ្លែងនាថ្ងៃទី៨ សីហាថា តុល្យការនៃគ្រោះថ្នាក់ធ្លាក់យន្តហោះ១គ្រឿង កាលពីថ្ងៃទី៧ ខែសីហា ឆ្នាំ២០២០ នៅព្រលានយន្តហោះក្រុង…
ប្រទេសឥណ្ឌា ៖ អ្នកទទួលខុសត្រូវម្នាក់នៃរដ្ឋាភិបាលឥណ្ឌា ថ្លែងនាថ្ងៃទី៨ សីហាថា តុល្យការនៃគ្រោះថ្នាក់ធ្លាក់យន្តហោះ១គ្រឿង កាលពីថ្ងៃទី៧ ខែសីហា ឆ្នាំ២០២០ នៅព្រលានយន្តហោះក្រុង CALICUT ភាគខាងត្បូងឥណ្ឌា បណ្តាលឱ្យអ្នកបាត់បង់ជីវិតកើនដល់១៨នាក់ហើយ និងមនុស្ស១៦នាក់ទៀតរងរបួសធ្ងន់ ។
យន្តហោះនោះជារបស់ក្រុមហ៊ុនអាកាសចរណ៍ AIR INDIA EXPRESS ជាយន្តហោះ ដែលដឹកបណ្ដាជនជាតិឥណ្ឌា ដែលជាប់គាំងនៅទីក្រុងឌូបៃ ដោយសារការឆ្លងរាលដាលនៃវីរុសCOVID-19 ។ វាបានចុះចតខុសផ្លូវ ពេលលក្ខខណ្ឌឧតុនិយមកំពុងមានការលំបាកខ្លាំង ដោយសារមានភ្លៀងធ្លាក់ខ្លាំង ខណៈយន្តហោះនោះដឹកអ្នកដំណើរនិងសមាជិកក្រុមយានិកសរុប១៩០នាក់ ។
យោងតាមអាជ្ញាធរអាកាសចរណ៍ឥណ្ឌាថា បណ្ដាប្រអប់ខ្មៅនៃយន្តហោះនោះត្រូវបានរកឃើញ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ