Pirlo ត្រូវតែងតាំងជាអ្នកចាត់ការ Juventus ជំនួសតំណែងលោក Sarri
អ៊ីតាលី ៖ ក្លិបសេះបង្កង់ Juventus សម្រេចតែងតាំងលោក Andrea Pirlo ធ្វើជាអ្នកចាត់ការទូទៅថ្មីជាផ្លូវការ ដើម្បីជំនួសតំណែងលោក Maurizio…
អ៊ីតាលី ៖ ក្លិបសេះបង្កង់ Juventus សម្រេចតែងតាំងលោក Andrea Pirlo ធ្វើជាអ្នកចាត់ការទូទៅថ្មីជាផ្លូវការ ដើម្បីជំនួសតំណែងលោក Maurizio Sarri ដែលត្រូវបណ្តេញចេញកាលពីម្សិលមិញ។
ការសម្រេចបណ្តេញលោក Maurizio Sarri ពោលគឺនៅក្រោយពេលក្រុម Juventus ជ្រុះចេញពីការប្រកួតក្របខណ្ឌ Champions League ត្រឹមវគ្គ១៦ក្រុមចុងក្រោយ បន្ទាប់ពីចាញ់ក្រុមបារាំង Lyon កាលពីថ្ងៃសុក្រ។
Pirlo បច្ចុប្បន្នមានវ័យ ៤១ឆ្នាំបានចុះកុងត្រារយៈពេល ២ឆ្នាំ ដែលនឹងធ្វើឱ្យបុរសជនជាតិអ៊ីតាលីរូបនេះ ដឹកនាំរហូតដល់ខែមិថុនា ឆ្នាំ២០២២ ។ អតីតខ្សែបម្រើក្រុមជម្រើសជាតិអ៊ីតាលីរូបនេះ ទើបតែត្រូវបានតែងតាំងជាគ្រូបង្វឹកក្រុមយុវជនអាយុក្រោម ២៣ឆ្នាំ របស់ក្លិបកាលពីថ្ងៃទី៣០ ខែកក្កដាកន្លងទៅ។
គូសបញ្ជាក់ថា Andrea Pirlo ធ្លាប់បានបង្ហាញខ្លួនចំនួន ១៦៤ប្រកួតសម្រាប់ក្រុម Juventus នៅចន្លោះឆ្នាំ២០១១ ដល់ឆ្នាំ២០១៥ និងបានឈ្នះពានរង្វាន់លីគកំពូល Serie A ចំនួន ៤រដូវកាលនៅទីនោះផងដែរ៕ (ដកស្រង់ចេញពី BBC)
ចែករំលែកព័តមាននេះ