ប្រសិនគ្មានការដេញថ្លៃ
រៀងរាល់ឆ្នាំ នៅទូទាំងប្រទេសពីដើមមក ឱ្យតែដាច់ឆ្នាំចាស់ ចូលឆ្នាំថ្មីម្តងៗ អាជ្ញាធរខេត្ត-ក្រុងទូទាំងប្រទេស តែងតែដាក់ឱ្យដេញថ្លៃ នូវសេវាកម្មនានា របស់រដ្ឋឱ្យឯកជនគ្រប់គ្រង
រៀងរាល់ឆ្នាំ នៅទូទាំងប្រទេសពីដើមមក ឱ្យតែដាច់ឆ្នាំចាស់ ចូលឆ្នាំថ្មីម្តងៗ អាជ្ញាធរខេត្ត-ក្រុងទូទាំងប្រទេស តែងតែដាក់ឱ្យដេញថ្លៃ នូវសេវាកម្មនានា របស់រដ្ឋឱ្យឯកជនគ្រប់គ្រង សមទៅនឹងសេដ្ឋកិច្ចទីផ្សារសេរី… ដូចជាដេញថ្លៃកំពង់ចម្លង… ដេញថ្លៃភាស៊ីផ្សារតូច-ធំ… ចំណតរថយន្ត… ឡូត៍នេសាទ… ស្ថាបនាផ្លូវគ្រប់ប្រភេទខ្លះ… ស្លាកយីហោប៉ាណូ… ជាដើម ។ល។
ប៉ុន្តែចូលឆ្នាំ២០១៥នេះ ការដេញថ្លៃសេវាកម្មទាំងឡាយនោះ ដូចជាឃ្សុយ… ដូចជាអស់ថាមពល… ស្ទើរអស់ទៅហើយ… ដែលខេត្ត-ក្រុងខ្លះនិយាយថា គេធ្វើវិនិយោគអស់ទៅហើយ… ដេញថ្លៃខ្មោចលងអី… ឱ្យស្ងាត់ៗ ទៅអ្នកមានលុយ ទៅអ្នកមានអំណាច វាប្រសើរជាង… ការដាក់ដេញថ្លៃម្តងៗ គេនាំគ្នាផឹកទឹកតែ… ទឹកត្រី… លើកគ្នាក្លែមអស់… ឥតប្រយោជន៍ ។
តាមពិតទៅអ្វីក៏ដោយ ប្រសិនបើគ្មានការប្រកួតប្រជែងដេញថ្លៃជាសាធារណៈទេ អាចបង្កប់ដោយអំពើពុករលួយគួរឱ្យសង្ស័យណាស់… កុំបាច់ប្រកែក ។
ហេតុអីបានជាមិនដេញថ្លៃ… ដូចជាការលក់ដោះដូរអគារសម្បត្តិរដ្ឋជាដើម ។ល។ មហាជនចង់ដឹងណាស់ ហេតុអី………???
គ្មានហេតុអីធំជាងរឿងរលេះរលួយហ្នុងឡើយ… ប៉ុន្តែទៅរកឯកសារឯណាឃើញទៅ សម្រាប់ជូនទៅអង្គភាពកំចាត់ពុករលួយនោះ ?
បក្សកាន់អំណាចត្រូវកែទម្រង់រឿងនេះឡើងវិញ បើចង់ឈ្នះឆ្នោតលើកក្រោយ…!
រឿងមិនដេញថ្លៃ គេចេះតែឆ្លើយដាក់ថ្នាក់លើ… ថ្នាក់លើ… ឆ្លើយដាក់ថ្នាក់កំពូលក៏មានដែរ… កោតគេហ៊ានម្ល៉េះ !!!
អាឡេវ
ចែករំលែកព័តមាននេះ