រាជធានីភ្នំពេញ៖ ប្រអប់ភ្លើងនៅជាន់ទី៦ក្នុងខុនដូរ DE CASTLE បានឆ្លងចរន្តអគ្គិសនី បណ្តាលឱ្យទុស្សេបង្កជាអគ្គិភ័យឆាបឆេះ និងមានផ្សែងហុយខ្មួលខ្មាញ់នៅក្នុងអគារ បង្កអោយមានការភ្ញាក់ផ្អើល ដល់ក្រុមសន្តិសុខ និងសមត្ថកិច្ចអាជ្ញាធរចុះអន្តរាគមន៍នាំគ្នាជួយពន្លត់ទាន់…
រាជធានីភ្នំពេញ៖ ប្រអប់ភ្លើងនៅជាន់ទី៦ក្នុងខុនដូរ DE CASTLE បានឆ្លងចរន្តអគ្គិសនី បណ្តាលឱ្យទុស្សេបង្កជាអគ្គិភ័យឆាបឆេះ និងមានផ្សែងហុយខ្មួលខ្មាញ់នៅក្នុងអគារ បង្កអោយមានការភ្ញាក់ផ្អើល ដល់ក្រុមសន្តិសុខ និងសមត្ថកិច្ចអាជ្ញាធរចុះអន្តរាគមន៍នាំគ្នាជួយពន្លត់ទាន់ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១១ព្រឹកថ្ងៃទី៧ ខែសីហា ឆ្នាំ២០២០ នៅចំនុចជាន់ទី៦និង៧ ក្នុងអាគារខុនដូរ DE CASTLE លេខ TK 24 ផ្លូវលេខ ៣១៥ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
តាមប្រភពពីសន្តិសុខបានអោយដឹងថា មុនពេលកើតហេតុ គេឃើញប្រអប់ភ្លើងនៅជាន់ទី៦ បានទុស្សេឆ្លងចរន្តអគ្គិសនីបង្កជាអគ្គីភ័យឆាបឆេះ និងមានផ្សែងហុយទ្រលោម បង្កអោយមានការភ្ញាក់ផ្អើលអ្នកស្នាក់នៅផ្អើលរត់គេចចេញ ។ ភ្លាមៗនោះ ក្រុមសន្តិសុខក៍នាំគ្នាយកបំពង់ពន្លត់អគ្គីភ័យជាច្រើនគ្រឿងបាញ់ពន្លត់ ហើយចរន្តអគ្គិសនី ក៍បានឆ្លងចរន្តឆេះរហូតទៅដល់ជាន់ទី៧ទៀត ក្រោយមកក៍បានរលត់វិញ។
ទោះបីជាយ៉ាងណា ភ្លើងពុំបានឆេះរាលដាលធ្ងន់ធ្ងរនោះទេ គីគ្រាន់តែខូចខាតប្រអប់ភ្លើង ព្រមទាំងមានការភ័យស្លន់ស្លោពីសំណាក់អ្នកស្នាក់នៅតែប៉ុណ្ណោះ ។ នៅក្នុងហេតុការណ៍នោះដែរ អាជ្ញាធរ និងសមត្ថកិច្ច ក៍បានចុះទៅកន្លែងកើតហេតុ និងបានទាក់ទងហៅរថយន្តពន្លត់អគ្គីភ័យចំនួន២គ្រឿងចុះទៅជួយអន្តរាគមន៍ តែពុំបានបាញ់ពន្លត់នោះទេ ហើយភ្លើងបានរលត់ទៅវិញ។
តាមនគរបាលការិយាល័យបង្ការពន្លត់អគ្គីភ័យ និងសង្គ្រោះរបស់ស្នងការដ្ឋាននគរបាលរាជធានីភ្នំពេញបានអោយដឹងថា ទូប្រអប់ភ្លើងចំនួន៤ ដែលប្រអប់នីមួយៗមានទំហំប្រមាណ១ម៉ែត្រគុណ១ម៉ែត្រកន្លះ ស្ថិតនៅជាន់ទី៦និងទី៧ ត្រូវភ្លើង ឆេះរងការខូចខាត ប្រមាណ៨០ភាគរយ ។ ទាក់ទិនការកើតមានអគ្គីភ័យខាងលើនេះ គឺបណ្តាលមកពីឆ្លងចរន្តអគ្គិសនី ៕ (កែសម្រួលដោយ ៖ ធីតា)
ចែករំលែកព័តមាននេះ