ខេត្តមណ្ឌលគិរី ៖ ទីបំផុត អាជ្ញាធរខេត្តមណ្ឌលគិរីបានបើកការស៊ើបអង្កេត ចាប់ពីថ្ងៃទី០៧ សីហា ២០២០ ក្នុងករណីជនជាតិយួនចូលកាប់ឈើនៅតំបន់ដែនការពារជម្រកការពារសត្វព្រៃកែវសីមា ដើម្បីស្រាវជ្រាវរកអ្នកពាក់ព័ន្ធ បន្ទាប់ពីមន្ត្រីបានរកឃើញក្បូនបណ្តែតឃើញ១០គ្រឿងឈប់ចតនៅក្នុងអូរព្រំដែន កាលពីថ្ងៃទី០៤ សីហា កន្លងទៅនេះ។
កិច្ចប្រជុំបន្ទាន់មួយ បានធ្វើឡើងកាលពីល្ងាចថ្ងៃទី០៦ សីហា ដោយមានការចូលរួមពីមន្ត្រីពាក់ព័ន្ឋគ្រប់ស្ថាប័នលើការងារព្រៃឈើនិងព្រំដែន ដោយបានសង្កត់ធ្ងន់ជុំវិញបញ្ហាជនបរទេសចូលធ្វើសកម្មភាពកាប់ និងដឹកជញ្ជូនធនធានធម្មជាតិរបស់កម្ពុជា។កិច្ចប្រជុំបានបង្គាប់ឲ្យគ្រប់ស្ថាប័នដែលមានតួនាទីគ្រប់គ្រងលើតំបន់នោះ ត្រូវស្រាវជ្រាវឲ្យបានឆាប់រហ័ស និងបង្កើតក្រុមការងារពិសេស ដើម្បីបង្ក្រាបសកម្មភាពក្រុមជនឆ្លៀតឱកាស ដែលតែងចូលកាប់ឈើក្នុងដែនហាមឃាត់។
ដោយឡែក រដ្ឋបាលស្រុកកែវសីមាបានឲ្យដឹងថា គណៈបញ្ជាការឯកភាពស្រុកបានចុះត្រួតពិនិត្យបង្ក្រាបករណីបទល្មើសព្រៃឈើនៅតាមខ្សែបន្ទាត់ព្រំដែនត្រង់ចំណុចបង្គោលលេខ ៦១.២(១) ស្ថិតតាមបណ្តោយអូរហ៊ុចខ្សែបន្ទាត់ព្រំដែនកម្ពុជា វៀតណាម ប្រទះឃើញក្បូនឈើចងដើមប្ញស្សីបណ្តែតទឹកប្រមាណ១០ក្បូន បានចងជាប់មាត់អូរហ៊ុចខាងដីវៀតណាម ដោយបច្ចុប្បន្នក្បូនឈើនេះជាប់គាំងដោយសារអូរស្រកចុះ។
រដ្ឋបាលស្រុកបានសុំកិច្ចអន្តរាគមន៏ពីស្នងការខេត្ត លោកមេបញ្ជាការវរះ៦២១ និងលោកប្រធានការិយាល័យដែនជម្រកសត្វព្រៃកែវសីមា ដើម្បីបន្តនិតិវិធីបង្ក្រាប។ជាលទ្ឋផលទី១ ពិបាកបង្ក្រាបដោយហេតុថា ក្បួនឈើស្ថិតនៅខាងដីវៀតណាម(តំបន់ស) ទី២ ដាក់កម្លាំងយាមប្រចាំរហូតមានភ្លៀងទឹកឡើងពេញអូរ ។ ទី៣ជំនាញដែនជម្រក និងកងកម្លាំងបន្តស្រាវជ្រាវពីប្រភពដើមក្នុងករណីល្មើសព្រៃឈើនេះ ដើម្បីចាត់ការតាមនិតិវិធីច្បាប់៕
ចែករំលែកព័តមាននេះ