តាមកុសលចេតនា បុណ្យទាំងឡាយកើតឡើងអាស្រ័យលើចេតនា តែបើមិនមានចេតនា មិនសប្បាយរីករាយ មិនពេញចិត្តក្នុងអ្វីដែលខ្លួនលះបង់ទេនោះ ទោះបីជាយើងកំពុងតែប្រារព្ធពិធីបុណ្យសង្ឃទានក្តី បុណ្យបច្ច័យបួនក្តី បុណ្យកឋិនក្តី ឬបុណ្យធំៗដទៃទៀតក្តី ដោយចំណាយថវិកាអស់រាប់ម៉ឺនដុល្លារក៏ដោយ…
តាមកុសលចេតនា បុណ្យទាំងឡាយកើតឡើងអាស្រ័យលើចេតនា តែបើមិនមានចេតនា មិនសប្បាយរីករាយ មិនពេញចិត្តក្នុងអ្វីដែលខ្លួនលះបង់ទេនោះ ទោះបីជាយើងកំពុងតែប្រារព្ធពិធីបុណ្យសង្ឃទានក្តី បុណ្យបច្ច័យបួនក្តី បុណ្យកឋិនក្តី ឬបុណ្យធំៗដទៃទៀតក្តី ដោយចំណាយថវិកាអស់រាប់ម៉ឺនដុល្លារក៏ដោយ ក៏មិនមានឈ្មោះថា ជាអ្នកធ្វើបុណ្យដោយប្រពៃដែរ ។ ពេលនោះការធ្វើបុណ្យច្រើនបានបុណ្យច្រើន នឹងក្លាយជាការបោះបង់ច្រើន ខាតបង់ច្រើនជាមិនខាន ។
ហេតុនោះគ្រប់ពេលដែលអ្នកធ្វើបុណ្យ សាងកុសល ទោះបីជាធ្វើបុណ្យអ្វីក៏ដោយត្រូវតែធ្វើចិត្តឱ្យបានសប្បាយ រីករាយ ជ្រះថ្លា ពេញចិត្តនឹងការធ្វើ និងធ្វើប្រកបដោយបញ្ញា។ ប្រសិនបើអ្នកមានសេចក្តីជ្រះថ្លា រីករាយ ពេញចិត្តហើយ សូម្បីតែធ្វើបុណ្យដោយការលះបង់ទ្រព្យធនតិចតួចក៏ដោយ ក៏បានផលានិសង្សច្រើនដែរ ទៅតាមចិត្តចេតនាដែលជ្រះថ្លាពេញចិត្តនោះឯង ។
ព្រោះថា ចេតនាគឺសំដៅដល់សេចក្តីជ្រះថ្លា សេចក្តីសប្បាយរីករាយ ពេញចិត្តក្នុងទង្វើល្អ និងអំពើបុណ្យដែលធ្វើដោយឥតសៅហ្មង ចេតនានេះហើយដែលនាំឱ្យកើតបុណ្យច្រើនប្រមាណមិនបាន ។ សាន សារិន
ចែករំលែកព័តមាននេះ