ខេត្តមណ្ឌលគិរី ៖ ព្រោះតែជីវភាពទីទ័លក្រខ្លាំងពេក ស្ត្រីចំណាស់ម្នាក់បានខិតខំត្រដរដាំបន្លែបន្តិចបន្តួចដើម្បីហូប និងទុកលក់ផង គ្រាន់បានលុយចិញ្ចឹមកូនតូចឆ្កួតម្នាក់ ឯប្ដីស្លា.ប់គ្មានកូននឹងទីពឹង មើលទៅគួរឲ្យសង្វេគណាស់
ខេត្តមណ្ឌលគិរី ៖ ព្រោះតែជីវភាពទីទ័លក្រខ្លាំងពេក ស្ត្រីចំណាស់ម្នាក់បានខិតខំត្រដរដាំបន្លែបន្តិចបន្តួចដើម្បីហូប និងទុកលក់ផង គ្រាន់បានលុយចិញ្ចឹមកូនតូចឆ្កួតម្នាក់ ឯប្ដីស្លាប់គ្មានកូននឹងទីពឹង មើលទៅគួរឲ្យសង្វេគណាស់ បច្ចុប្បន្នកំពុងរស់នៅក្នុងផ្ទះចាស់ទ្រុឌទ្រោម ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ។
ស្ដ្រីចំណាស់ខាងលើត្រូវបានលោកមេឃុំស្រែខ្ទុម ប្រាប់ថា គាត់មានឈ្មោះ អ៊ុក ហិន អាយុ៦៩ឆ្នាំ ប្ដីស្លាប់ មានកូនស្រីម្នាក់ឆ្កួតក្នុងបន្ទុក សព្វថ្ងៃរស់នៅ ក្នុងភូមិ-ឃុំខាងលើ ។ លោកមេឃុំ បានបញ្ជាក់ថា គាត់មានវ័យកាន់តែជរាណាស់ហើយ បញ្ហាគឺកូនស្រីរបស់គាត់ដែលមានសតិមិនគ្រប់ មិនដឹងថាត្រូវធ្វើយ៉ាងណាពេលដែលផុតរលត់ពីគាត់ ព្រោះគាត់មិនសាច់ញាតិផ្សេងទៀតទេ ហើយជីវភាពប្រចាំថ្ងៃវិញ គឺលំបាកខ្លាំងណាស់ ដាំបន្លែ ជី បន្តិចបន្តួច ហូបនិងទុកលក់គ្រាន់បានប្រាក់មកដោះស្រាយជីវភាពប្រចាំថ្ងៃ ។
លោកយាយ អ៊ុក ហិន ដែលមានកូនស្រីម្នាក់មិនគ្រប់ទឹកនៅក្នុងបន្ទុក បានអំពាវនាវដល់អាជ្ញាធរ ក៏ដូចជាថ្នាក់ដឹកនាំ មេត្តាជួយគាត់ផង ក្រែងមានមន្ទីរពេទ្យ ឬមណ្ឌលព្យាបាលណាដែលអាចព្យាបាល និងមើលថែកូនស្រីគាត់បានពេលដែលអត់ពីគាត់ទៅ ព្រោះវ័យរបស់គាត់ពីមួយថ្ងៃទៅមួយថ្ងៃ កាន់តែដុនដាបទៅៗ និងភ័យខ្លាចដោយសារកូនផង ព្រោះមួយយប់ៗកូនស្រីរបស់គាត់មិនដេកទេ គិតតែវ៉ៃជញ្ជាំងផ្ទះ កាចខ្លាំងណាស់ បើរួចពីច្រវ៉ាក់ គឺខ្ទេចខ្ទីអស់ហើយក្នុងផ្ទះ ទោះមនុស្ស៤-៥ នាក់ក៏ចាប់មិនឈ្នះផង មានពេលខ្លះគាត់មិនហ៊ានដេកក្នុងផ្ទះទេ ខ្លាចកូនរួចពីច្រវាក់វាយធ្វើបាប ។
ព័ត៌មានលំអិតនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ