ខេត្តបន្ទាយមានជ័យ ៖ សពស្ត្រីខ្មែរដែលឃាតកបាញ់សម្លាញ់កណ្តាលក្រុងបាងកក កាលពីយប់ថ្ងៃទី៣ សីហា ២០២០ នឹងមកដល់កម្ពុជាវិញយប់ថ្ងៃទី៥ សីហា នេះ បើតាមកាបង្ហោះតាមបណ្តាញសង្គមហ្វេសប៊ុករបស់ បុរសជាប្តី។ សពស្ត្រីរងគ្រោះនឹងត្រូវគេដឹកមកកម្ពុជាតាមច្រកទ្វារអន្តរជាតិប៉ោយប៉ែតក្រោយពីមានកាអន្តរាគមន៍ ជួយពីមន្ត្រីកម្ពុជាប្រចាំប្រទេសថៃ។
ជនរងគ្រោះឈ្មោះ ម៉ៅ ស្រីពៅ អាយុ២៩ឆ្នាំ រស់នៅភូមិក្បាលស្ពាន១ សង្កាត់ និងក្រុងប៉ោយប៉ែត ហើយមានទីកន្លែងកំណើតនៅឃុំអន្លង់រុន ស្រុកថ្មគោល ខេត្តបាត់ដំបង។ គួរបញ្ជាក់ថា ជនរងគ្រោះបានស្លាប់ក្នុងករណីបាញ់រះមួយក្នុងទីតាំងបើកល្បែងមួយកន្លែងក្នុងក្រុងបាងកក ហើយមានជនរងគ្រោះស្លាប់៣នាក់ និងរបួស២ផ្សេងទៀត៕ ដោយ ៖ មុត សារុន
ចែករំលែកព័តមាននេះ