ហូឡង់ ៖ វិទ្យាស្ថានជាតិសុខភាពសាធារណៈ និងបរិស្ថានរបស់ប្រទេសហូឡង់ បាននិយាយកាលពីថ្ងៃអង្គារ៍ថា ករណីឆ្លងជំងឺកូវីដ១៩ បានកើនឡើងជិតទ្វេដង នៅក្នុងប្រទេសហូឡង់ កាលពីសប្តាហ៍មុន។
វិទ្យាស្ថានខាងលើនេះ បានរាយការណ៍ថា៖ «ករណីឆ្លងជំងឺកូវីដ១៩ថ្មីចំនួន ២,៥៨៨ ត្រូវបានរាយការណ៍នៅក្នុងប្រទេសហូឡង់ កាលពីសប្តាហ៍មុន។ នេះគឺច្រើនជាងករណីដែលរាយការណ៍កាលពីសប្តាហ៍មុន ដល់ទៅ ១,២៥៩ករណី ដែលនេះគឺស្ទើរតែច្រើនជាងមួយគុណនឹងពីរទៅហើយ។ កាលពីសប្តាហ៍មុន គេរកឃើញ ១,៣២៩ករណី»។
វិទ្យាស្ថាននេះ បាននិយាយថា ភាគរយខ្ពស់បំផុតនៃការធ្វើតេស្តវិជ្ជមានត្រូវបានគេមើលឃើញនៅក្នុងតំបន់ Rotterdam-Rijnmond, Amsterdam, West-Brabant និង Haaglanden ។
វិទ្យាស្ថាននេះក៏បានប្រាប់ថា គេបានរកឃើញចង្កោមករណីជាង ២៤២ នៅក្នុងប្រទេស ដែលនេះមានការកើនឡើងលើសកាលពីសប្តាហ៍មុន៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ