សៀមរាប៖ ក្នុងន័យបំផុសឲ្យមានចលនាកម្សាន្តក្នុងស្រុកជួយដល់វិស័យទេសចរណ៍ឡើងវិញនោះ ខេត្តសៀមរាបនឹងរៀបចំកម្មវិធីកម្សាន្តជាច្រើន សម្រាប់ទទួលភ្ញៀវទេសចរនាឱកាសថ្ងៃឈប់សម្រាកលម្ហែកាយ ចាប់ពីថ្ងៃទី១៧ ដល់ ២១ ខែសីហា ខាងមុខដែលជាការឈប់សម្រាកជំនួសថ្ងៃបុណ្យចូលឆ្នាំប្រពៃណីជាតិ កាលពីខែមេសា…
សៀមរាប៖ ក្នុងន័យបំផុសឲ្យមានចលនាកម្សាន្តក្នុងស្រុកជួយដល់វិស័យទេសចរណ៍ឡើងវិញនោះ ខេត្តសៀមរាបនឹងរៀបចំកម្មវិធីកម្សាន្តជាច្រើន សម្រាប់ទទួលភ្ញៀវទេសចរនាឱកាសថ្ងៃឈប់សម្រាកលម្ហែកាយ ចាប់ពីថ្ងៃទី១៧ ដល់ ២១ ខែសីហា ខាងមុខដែលជាការឈប់សម្រាកជំនួសថ្ងៃបុណ្យចូលឆ្នាំប្រពៃណីជាតិ កាលពីខែមេសា មុននោះដែលត្រូវបានអាក់ខានដោយសារតែជំងឺកូវីដ ១៩ ។
រដ្ឋបាលខេត្តសៀមរាបឲ្យដឹងថា កម្មវិធីបែបសាសនា ប្រពៃណី និងរៀបចំឡើងនៅក្នុងពេលវេលានៃការឈប់សម្រាកច្រើនថ្ងៃរបស់ពលរដ្ឋនោះ ។ កម្មវិធីមានដូចជា ពិព័រណ៍ ជិះកង់ និងកម្មវិធីផ្សេងៗជាច្រើនទៀត ដូចជា កម្មវិធីពិព័រណ៍ បន្លែផ្លែឈើ កសិផល ផលិតផល ក្រុង-ស្រុកទាំង១២ កម្មវិធីប្រកួតម្ហូបអាហារ ពានរង្វាន់មាន់អាំង ឆ្ងាញ់ជាងគេនៅខេត្តសៀមរាប ផ្សារទឹក pub Street កម្មវិធីជិះកង់ កម្មវិធីកីឡាវាយកូនហ្គោល កម្មវិធីដើរព្រៃ ចង្ក្រានរយ ភ្នំគូលែន និងមានផ្ទាំងទស្សនីយភាពសិល្បៈជាច្រើនទៀត។
អាជ្ញាធរខេត្តបានកំពុងមមាញឹក ដើម្បីរៀបចំព្រឹត្តិការណ៍ទាំងអស់នោះ សម្រាប់ទាក់ទាញភ្ញៀវទេសចរទៅកម្សាន្តលើទឹកដីអង្គរ ក្រោយបានទីតាំងប្រវត្តិសាស្ត្រកម្ពុជានេះ បានស្ងប់ស្ងាត់មួយរយៈដោយសារជំងឺកូវី១៩ ។
ជាមួយការត្រៀមស្វាគមន៍ ទទួលភ្ញៀវទេសចរ អាជ្ញាធរក៍បានអំពាវនាវដល់ពលរដ្ឋដែលមានបំណងទៅកម្សាន្តនៅទឹកដីអង្គរកុំភ្លេចអនុវត្តវិធានការការពារខ្លួនពីជំងឺកូវីដ១៩ ដូចជា ត្រូវត្រៀមយកពាក់ម៉ាស់ ឬក្រម៉ា ជែល ឬអាល់កុលលាងដៃ ជាដើម ។ អាជ្ញាធរក៍បានអះអាងថាខ្លួន បាន ត្រៀម សាប៊ូលាងដៃ ដាក់នៅតាមទីសាធារណៈ ផងដែរ។ រដ្ឋបាលខេត្តបានដាស់តឿនពលរដ្ឋកុំភ្លេចរក្សាគម្លាតសុវត្ថិភាពផងដែរ។
រាជរដ្ឋាភិបាលបានសម្រេចអនុញ្ញាតឲ្យបមន្ត្រីរាជការ បុគ្គលិកក្រុមហ៊ុនឈប់សម្រាកចំនួន៥ថ្ងៃ គឺពីថ្ងៃទី១៧ដល់ថ្ងៃទី២១ ខែសីហា ជំនួសការដែលមិនបានឈប់សម្រាកកាលពីឱកាសបុណ្យចូលឆ្នាំថ្មីប្រពៃណីជាតិ ក្នុងខែមេសា ដោយសារជំងឺកូវីដ១៩នោះ។
ក្រសួងស្ថាប័ន ពាក់ព័ន្ធជាច្រើនបានចេញវិធានការ សេចក្តីណែនាំ ផ្សេងៗគ្នា ដើម្បីពង្រឹងវិធានការការពារ ទប់ស្កាត់ការឆ្លងរីករាលដាលជំងឺកូវីដ១៩ នាឱកាសពលរដ្ឋដើរកម្សាន្តច្រើននោះ។
តែទោះយ៉ាងណាការពារដ៍មានប្រសិទ្ធិភាពគឺការប្រព្រឹត្តរបស់ពលរដ្ឋម្នាក់ៗ។ ពលរដ្ឋគួរចាំកុំភ្លេចថាកូវីដ១៩ចាំឱកាសឆ្លងមកមនុស្សតែប៉ុណ្ណោះ ប្រសិនបើមិនបានអនុវត្តតាមការណែនាំ របស់ក្រសួងសុខាភិបាល ដូចជាការរក្សាគម្លាតពីគ្នាយ៉ាងតិចមួយម៉ែត្រកន្លះ និងឧស្សាហ៍លាងសម្អាតដៃ ជាដើមនោះ៕
ចែករំលែកព័តមាននេះ