រាជធានីភ្នំពេញ ៖ ពិតជារឿងនឹកស្មានមិនដល់ទាល់តែសោះ សុខៗស្រាប់តែតារាចម្រៀងប្រុសដ៏មានប្រជាប្រិយភាព និងទទួលបានកេរ្ដិ៍ឈ្មោះល្បីល្បាញនៅក្នុងរង្វង់សិល្បៈអស់រយៈពេលជាង១០ឆ្នាំ កន្លងមកហើយ លោក ខាន់ ជេមស៍ បានធ្វើអោយមហាជនព្រួយបារម្ភជាខ្លាំងពីសុវត្ថិភាពតារាក្នុងដួងចិត្តរបស់ពួកគេ…
រាជធានីភ្នំពេញ ៖ ពិតជារឿងនឹកស្មានមិនដល់ទាល់តែសោះ សុខៗស្រាប់តែតារាចម្រៀងប្រុសដ៏មានប្រជាប្រិយភាព និងទទួលបានកេរ្ដិ៍ឈ្មោះល្បីល្បាញនៅក្នុងរង្វង់សិល្បៈអស់រយៈពេលជាង១០ឆ្នាំ កន្លងមកហើយ លោក ខាន់ ជេមស៍ បានធ្វើអោយមហាជនព្រួយបារម្ភជាខ្លាំងពីសុវត្ថិភាពតារាក្នុងដួងចិត្តរបស់ពួកគេ ក្រោយពីទទួលបានដំណឹងថា តារាចមៀងប្រុសសង្ហារូបនេះ បានជាប់នៅលើកោះមួយនៅស្រុកខ្មែរអស់រយៈពេល ៣ថ្ងៃមកហើយ ។
កាលពីពេលថ្មីៗនេះ តារាចម្រៀងប្រុសរូបនេះបានបង្ហោះសារជាមួយនឹងទឹកមុខស្រងូតស្រងាត់នឹកគ្រួសារជាទីស្រលាញ់តាមរយៈបណ្តាញសង្គមផ្ទាល់ខ្លួនថា « ជាប់នៅកោះរ៉ុងបីថ្ងៃហើយខ្ញុំ នឹកផ្ទះ ជាប់នៅកោះរ៉ុង ដោយសារខ្យល់ខ្លាំងមិនអាចទៅវិញបាន នឹកគ្រួសារ» ។
ចំណែកឯមូលហេតុពីការជាប់នៅលើកោះអស់រយៈពេលជាច្រើនថ្ងៃនេះក៏ព្រោះតារាចម្រៀងប្រុសរូបនេះបានធ្វើដំណើរកម្សាន្តទៅលេងនៅឯកោះរ៉ុង ជាមួយនឹងមិត្តភ័ក្រកាលពីថ្ងៃទី១ ខែសីហា ឆ្នាំ២០២០កន្លងទៅនេះ ដោយសារតែមានរលកធំៗខ្លាំង និងមានភ្លៀងធ្លាក់ខ្លាំងទើបតារាប្រុសរូបនេះមិនអាចធ្វើដំណើរត្រឡប់មកវិញបាន។
យ៉ាងណាមិញ ក្រោយពីលោក ខាន់ ជែមស៍ រូបនេះបង្ហោះសាររួចមកក៏មានមហាជន និងអ្នកគាំទ្រជាច្រើនបានព្រួយបារម្ភពីសុខភាពរបស់លោក និងបានលើកឡើងថា ពីព្រោះតែវាជារដូវវស្សាដែលបណ្ដាលឲ្យមានភ្លៀងធ្លាក់ច្រើន រួមជាមួយនឹងព្យុះកន្ត្រាក់ផងនោះទើបពិបាកធ្វើដំណើរ ។
គួរបញ្ជាក់ផងដែរថា មកទល់ពេលនេះតារាចម្រៀងកំពុងតែមានប្រជាប្រិយភាពខ្លាំង ជាពិសេសខាងរកស៊ីរូបនេះ មិនទាន់បានវិលត្រឡប់មកពីកោះវិញនៅឡើយនោះទេ ដោយរូបលោកបានបញ្ជាក់នៅក្នុងវីដេអូរ កាលពីព្រឹកថ្ងៃទី៣ ខែសីហា ឆ្នាំ២០២០នេះ យ៉ាងច្បាស់ៗថា រង់ចាំបាត់រលកធំជាមុនសិន ៕
ចែករំលែកព័តមាននេះ