រាជធានីភ្នំពេញ ៖ កាលពីពេលថ្មីៗនេះ តារាសម្តែងស្រីជើងចាស់អ្នកនាង ប៉ែន សុផានី បានធ្វើអោយមហាជនក្តុកក្តួលរួចមកហើយ បន្ទាប់ពីអ្នកម្តាយជាទីស្រលាញ់បានធ្លាក់ខ្លួនឈឺធ្ងន់ធ្ងរចូលមន្ទីរពេទ្យ សង្គ្រោះបន្ទាន់ តែគួរឲ្យសោកស្តាយអ្នកម្តាយរបស់តារាសម្តែងស្រីរូបនេះមិនអាចជួយសង្គ្រោះបាន ហើយក៏បានទទួលមរណភាព កាលពីថ្ងៃទី៣១ ខែកក្កដា ឆ្នាំ២០២០កន្លងទៅនេះ។
បន្ទាប់ពីអ្នកម្តាយបានឃ្លាតចាកឆ្ងាយលែងបាននៅមើលថែរក្សា តារាសម្តែងស្រីដែលនិយមដើរតួអង្គស្លូតសុភាពរាបសារនោះបានបង្ហោះសារយ៉ាងក្តុកក្តួលអួលដើម.ក កាលពីថ្ងៃទី៣ សីហាកន្លងទៅដោយពោលដល់អ្នកម្តាយជាទីស្រលាញ់របស់អ្នកនាងថា « ម៉ាក់អើយម៉ាក់ឈឺណាស់មែនទេ កូនដឹងថា ម៉ាក់ពិបាកទ្រាំណាស់កូនដឹង តាមថែរក្សាម៉ាក់ខ្ញុំផង ម៉ាក់ពួកកូនស្រលាញ់ម៉ាក់ណាស់» ។
យ៉ាងណាមិញ ការទទួលមរណៈភាពរបស់អ្នកម្តាយតារាសម្តែងស្រីពេញទៅដោយសមត្ថភាពផ្នែកសម្ដែងភាពយន្ត រូបនេះពីព្រោះតែមានជំងឺរ៉ាំរ៉ៃ ដោយសារជំងឺមហារីកស្បូនអស់រយៈពេលជាង១០ឆ្នាំមកហើយ ដោយស្ថិតនៅក្នុងដំណាក់កាលចុងក្រោយ ពិបាកក្នុងការព្យាបាល ពីព្រោះតែរូបគាត់មានវ័យច្រើនដែរនោះ គឺអាយុ៦៩ឆ្នាំ ទៅហើយ ។
គួរបញ្ជាក់ផងដែរថា បន្ទាប់ពីលឺដំណឹងដល់ក្រៀមក្រំមួយនេះ មានមហាជនជាច្រើនបានចូលរួមរំលែកទុក្ខ និងបានលើកទឹកចិត្តជាច្រើនទៅដល់រូបក្រុមគ្រួសរបស់អ្នកនាង ប៉ែន សុផានី មកទល់ពេលនេះ សពរបស់អ្នកម្តាយតារាសម្តែងស្រីរូបនេះ ត្រូវបានធ្វើពិធីបុណ្យនៅឯផ្ទះរបស់អ្នកនាង បែ៉ន សុផានីផ្ទាល់តែម្តង ៕
ចែករំលែកព័តមាននេះ