កូវីដ-១៩ កំពុងតែធ្វើអោយអ្នកវិទ្យាសាស្ត្រឈឺក្បាល ដោយសារតែភាពចម្លែករបស់វា នៅក្នុងការលេចចេញរោគសញ្ញ និងថ្មីៗនេះមានភាពចម្លែកមួយទៀត គឺរោគសញ្ញាអាចអូសបន្លាយរហូតដល់ច្រើនខែ ក្នុងចំណោមអ្នកជំងឺខ្លះ ។
រោគសញ្ញា នៃកូវីដ-១៩ ជាទូទៅលេចឡើងរយៈពេលពី ២ ទៅ១៤ថ្ងៃ បន្ទាប់ពីការឆ្លងមេរោគ ។ សញ្ញាទាំងនោះរួមមានក្តៅខ្លួន ឬញាក់ ក្អក ពិបាកដកដង្ហើម ឬដង្ហក់ អស់កម្លាំង ឈឺសាច់ដុំ ឈឺខ្លួន ឈឺក្បាល បាត់បង់ក្លិន ឬរសជាតិ ឈឺបំពង់ក តឹងច្រមុះ ឬហៀរសំបោរ ក្អួតចង្អោរ ឬ រាគ ។
ទន្ទឹមនោះ វាក៏អាចលេចចេញរោគសញ្ញាចម្លែងផ្សេងទៀតផងដែរ ដូចជាបញ្ហាចង្វាក់បេះដូង តឹងណែនក្នុងទ្រូង ឈឺសន្លាក់ មានកន្ទួលក្រហមជាដើម ។ នេះបើតាមការផ្សាយរបស់សារព័ត៌មាន The Guardian ។
គេក៏សម្គាល់ឃើញភាពចម្លែងមួយផ្សេងទៀត គឺរោគសញ្ញានៃជំងឺនេះ អាចអូសបន្លាយជាច្រើនខែទៀតផង ។ យោងតាមការស្រាវជ្រាវ អ្នកជំងឺម្នាក់ ក្នុងចំណោម២០នាក់ គឺមានរោគសញ្ញាអូសបន្លាយយូរដល់ច្រើនខែបែបនេះ ៕
ចែករំលែកព័តមាននេះ