សាលាក្រុងព្រមានចាត់វិធានការតាមច្បាប់រាល់ការប្រមូលផ្ដុំតវ៉ា គ្មានការជូនដំណឹងជាលាយលក្ខណ៍អក្សរ
- ភ្នំពេញ
រាជធានីភ្នំពេញ ៖ នៅរសៀលថ្ងៃទី ៣ ខែ សីហា ឆ្នាំ ២០២០ នេះ រដ្ឋបាលរាជធានីភ្នំពេញ…
រាជធានីភ្នំពេញ ៖ នៅរសៀលថ្ងៃទី ៣ ខែ សីហា ឆ្នាំ ២០២០ នេះ រដ្ឋបាលរាជធានីភ្នំពេញ បានចេញសេចក្តីណែនាំដល់ស្នងការដ្ឋាននគរបាលរាជធានីភ្នំពេញ, បញ្ជាការដ្ឋានកងរាជអាវុធហត្ថរាជធានីភ្នំពេញ និង អភិបាលខណ្ឌទាំង ១៤ អោយចាត់វិធានការច្បាប់ចំពោះការប្រមូលផ្ដុំណាដែលគ្មានការអនុញ្ញាត ។
សេចក្តីណែនាំនេះបានបញ្ជាក់ ដោយសង្កេតឃើញថា ក្នុងរយៈពេលប៉ុន្មានថ្ងៃចុងក្រោយនេះ មានសកម្មភាពជួបជុំ ប្រមូលផ្ដុំតវ៉ា ទាមទារឱ្យមានការដោះលែងជនត្រូវចោទ ឃ្មុំខ្លួន ពាក់ព័ន្ធនឹងសំណុំរឿងព្រហ្មទណ្ឌ នៅខាងមុខសាលាដំបូងរាជធានីភ្នំពេញ ដោយមិនបានជូនដំណឹងមកអាជ្ញាធរមានសមត្ថកិច្ច ។
ក្នុងសេចក្តីណែនាំនេះបានបន្តថាំ សកម្មភាពជួបជុំប្រមូលផ្ដុំតវ៉ាខាងលើនេះ បានធ្វើឱ្យប៉ះពាល់យ៉ាងខ្លាំងដល់ប្រក្រតីភាពសង្គម សណ្ដាប់ធ្នាប់ សាធារណៈ លំហូរចរាចរណ៍ និងប្រាសចាកពីគោលការណ៍ច្បាប់ស្ដីពីការធ្វើបាតុកម្មដោយសន្តិវិធី ត្រង់មាត្រា៥ ដែលបានចែងថា« ក្រុមបុគ្គលណាដែលមានបំណងធ្វើបាតុកម្មដោយសន្តិវិធី នៅកន្លែងសាធារណៈណាមួយ ត្រូវជូនដំណឹងជាលាយលក្ខណ៍អក្សរទៅអាជ្ញាធរដែនដីរាជធានី ឬខេត្ត មានសមត្ថកិច្ចគ្រប់គ្រងទីកន្លែងនោះ»។
ទន្ទឹមនឹងនេះសកម្មភាពជួបជុំប្រមូលផ្ដុំ ក្នុងដំណាក់កាលនៃការរីករាលដាលជាសកលនៃវីរុសកូវីដ-១៩ បានអនុវត្តផ្ទុយអំពីវិធានការនានា របស់អង្គការសុខភាពពិភពលោក (WHO) គោលការណ៍សុខភាពសាធារណៈ របស់ក្រសួងសុខាភិបាល និងសេចក្ដីណែនាំលេខ ០០៧ សណន ចុះថ្ងៃទី២៥ ខែឧសភា ឆ្នាំ២០២០ របស់រដ្ឋបាលរាជធានីភ្នំពេញ ស្ដីពីការបន្តអប់រំសុខភាពជូនប្រជាពលរដ្ឋ និងការពង្រឹងការងារតាមដានការអនុវត្តវិធានការ ការពាររលកទីពីរ នៃការចម្លងមេរោគកូវីដ-១៩ នៅរាជធានីភ្នំពេញ ៕
ចែករំលែកព័តមាននេះ