ខេត្តតាកែវ ៖ មួយរយៈពេលកន្លងមកនេះ ក្នុងឆ្នាំ២០២០ យើងសង្កេតឃើញថា វិស័យពុទ្ធចក្រនៅក្នុងខេត្តតាកែវ ហាក់បីដូចជាលេចលឺដំណឹងមិនសូវល្អជាច្រើនទៅលើព្រះសង្ឃដែលកំពុងមានឈ្មោះល្បីល្បាញទាំងក្នុងស្រុក និងក្រៅស្រុកជាច្រើនករណី ខណៈដែលនៅពេលថ្មីៗនេះ គឺមានរឿងអាស្រូវលោក…
ខេត្តតាកែវ ៖ មួយរយៈពេលកន្លងមកនេះ ក្នុងឆ្នាំ២០២០ យើងសង្កេតឃើញថា វិស័យពុទ្ធចក្រនៅក្នុងខេត្តតាកែវ ហាក់បីដូចជាលេចលឺដំណឹងមិនសូវល្អជាច្រើនទៅលើព្រះសង្ឃដែលកំពុងមានឈ្មោះល្បីល្បាញទាំងក្នុងស្រុក និងក្រៅស្រុកជាច្រើនករណី ខណៈដែលនៅពេលថ្មីៗនេះ គឺមានរឿងអាស្រូវលោក ឡុង ចន្ថា គង់នៅវត្តភ្នំបូរី ពាក់ព័ន្ធនឹងសារសម្លេងសារសងស្នេហាគ្នាជាមួយនារីម្នាក់ ក្រោយមកក៏មានរឿងផ្លាស់ប្តូរអនុគណស្រុកត្រាំកក់ ដោយមិនមានមូលហេតុបង្ហាញច្បាស់លាស់ ។
មិនទាន់បានប៉ុន្មានថ្ងៃផង ក៏ស្រាប់តែលោកសង្ឃព្រះនាម កែវ កក្កដា ដែលជាស្ថាបនិកក្នុងការគៀងគររកសប្បុរសជនញាតិញោមជិតឆ្ងាយ ដើម្បីមកកសាងតំបន់ពុទ្ធគីរីកម្ពុជា ដែលមានភាពល្បីល្បាញទាំងក្នុងប្រទេស និងក្រៅប្រទេស ត្រូវបានគណៈសង្ឃនាយកសម្តេចសង្ឃ បានចាប់ផ្សឹក និងប្រកាសប្តូរអ្នកគ្រប់គ្រងថ្មីនៅ ពុទ្ធគីរីកម្ពុជា កាលពីថ្ងៃទី២៧ ខែកក្កដា ឆ្នាំ២០២០នេះ ដោយមានពាក្យអាចាមអារ៉ាមខ្លះពាក់ព័ន្ធនឹងលុយកាក់ ។
រីឯប្រធានមន្ទីរធម្មការសាសនាខេត្តតាកែវ ថា មកពីលោកបានសែបមេធុន «រួមសង្វាស់»មានប្រពន្ធ កូន ទើបគណៈសង្ឃនាយកសម្រេចចាប់ផ្សឹកភ្លាមៗ និងប្រគល់ឱ្យមន្ត្រីសង្ឃថ្នាក់ខេត្ត និងមន្ត្រីសង្ឃមានចំណាត់ការក្នុងការដាក់ព្រះសង្ឃថ្មីឱ្យនៅគ្រប់គ្រងពុទ្ធគីរីកម្ពុជា ជាបណ្តោះអាសន្នសិន ។
បើសម្តីរបស់បងប្អូនប្រជាពលរដ្ឋដែលជាអ្នករស់នៅប្រកបរបររកស៊ីនៅតំបន់ពុទ្ធគីរីកម្ពុជា គឺបានសម្តែងនៅទឹកចិត្តសោកស្តាយព្រះសង្ឃ កែវ កក្កដា ជាខ្លាំង ព្រោះគាត់ជាស្ថាបនិកកសាងតំបន់ពុទ្ធគីរីកម្ពុជានេះឡើង ធ្វើឱ្យមានភាពល្បីល្បាញ ថែមទាំងជួយជំរុញសេដ្ឋកិច្ចដល់ប្រជាពលរដ្ឋរស់នៅទីនោះ មានជីវភាពធូរធា ចេះរកស៊ីដើម្បីបានកម្រៃខ្លះសម្រាប់ផ្គត់ផ្គង់គ្រួសារ ។
ប្រជាពលរដ្ឋខាងលើនិយាយទាំងទឹកមុខនឹករលឹកថា ពីមុនតំបន់នេះ ចង់មកដល់ជិះរទេះគោ ទើបមកដល់បាន តែក្រោយមានការកសាងពុទ្ធគីរីកម្ពុជា ដោយលោក កែវ កក្កដា គឺធ្វើឱ្យហេដ្ឋារចនាសម្ព័ន្ធនៅតំបន់នេះ មានផ្លូវកៅស៊ូ មានភ្លើងអគ្គិសនី និងបានប្រែក្លាយទៅជារម្មណីយដ្ឋានបែបពុទ្ធសាសនាថែមទៀត ធ្វើឱ្យមានភ្ញៀវទេសចរជាតិ និងអន្តរជាតិចូលមកទស្សនាធ្វើបុណ្យកោសល្យ រួចពិសារអាហារនៅតាមកញ្ចុះនៅទីនោះ ។
ទាក់ទិននឹងករណីខាងលើនេះ កោះសន្តិភាពយើងមិនអាចទាក់លោកជួង វ៉ាង ប្រធានមន្ទីរធម្មការ និងកិច្ចការសាសនាខេត្ត បានឡើយ នៅថ្ងៃទី៣ ខែសីហា ឆ្នាំ២០២០នេះ។
ចែករំលែកព័តមាននេះ