ប្រេស៊ីល ៖ ក្រសួងសុខាភិបាលប្រេស៊ីលបានរាយការណ៍ពីការបាត់បង់ជីវិតថ្មីដោយសារជំងឺកូវីដ១៩ ចំនួន ៥៤១នាក់ កាលពីថ្ងៃអាទិត្យ ដែលធ្វើឱ្យចំនួនអ្នកបាត់បង់ជីវិតសរុបនៅក្នុងប្រទេសនេះឡើងដល់ ៩៤,១០៤នាក់។
អាមេរិកឡាទីន និងតំបន់ការីបៀន មានចំនួនអ្នកបាត់បង់ជីវិតសរុបជាង ២០០,០០០នាក់ ដោយសារតែជំងឺនេះ។
ក្រសួងសុខាភិបាលប្រេស៊ីល ក៏បានរាយការណ៍ថា មានករណីឆ្លងថ្មីដែលត្រូវបានបញ្ជាក់ ២៥,៨០០ករណី ដែលនាំឱ្យមានករណីឆ្លងសរុបនៅប្រេស៊ីលដល់ ២,៧៣៣,៦៧៧ករណី។
កាលពីសប្តាហ៍មុន លោកស្រីជំទាវ Michelle Bolsonaro និង រដ្ឋមន្ត្រីពីររូបទៀតនៅក្នុងរដ្ឋាភិបាលរបស់ប្រធានាធិបតីលោក Jair Bolsonaro បានធ្វើតេស្តកូវីដវិជ្ជមាន។ ចាប់តាំងពីការចាប់ផ្តើមរាតត្បាត មន្ត្រីជាន់ខ្ពស់ចំនួន ៨នាក់បានឆ្លងវីរុសនេះ។ នោះរួមបញ្ចូលទាំងប្រធានាធិបតី លោកជំទាវជាភរិយា និង រដ្ឋមន្ត្រីចំនួន ៦រូប៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ