ដើម្បីជាអនុស្សាវរីយ៍ អតីតអ្នកប្រដាល់ម្នាក់នឹងពាក់បន្តោងខ្សែកដែលមានធ្មេញ Floyd
អន្តរជាតិ ៖ អតីតកីឡាករប្រដាល់សកល Marcos Maidana បានអះអាងថា រូបគេនឹងពាក់បន្តោងខ្សែក ដែលមានធ្មេញរបស់ Floyd Mayweather…
អន្តរជាតិ ៖ អតីតកីឡាករប្រដាល់សកល Marcos Maidana បានអះអាងថា រូបគេនឹងពាក់បន្តោងខ្សែក ដែលមានធ្មេញរបស់ Floyd Mayweather…
អន្តរជាតិ ៖ អតីតកីឡាករប្រដាល់សកល Marcos Maidana បានអះអាងថា រូបគេនឹងពាក់បន្តោងខ្សែក ដែលមានធ្មេញរបស់ Floyd Mayweather បន្ទាប់ពីការប្រកួតលើកទី២ រវាងពួកគេកាលពីឆ្នាំ២០១៤ ជាប់តាមខ្លួនជានិច្ច។
បុរសសញ្ជាតិអាហ្សង់ទីនវ័យ ៣៧ឆ្នាំ ដែលធ្លាប់ជាម្ចាស់ជើងឯកពិភពលោកលើប្រភេទទំងន់ Super Lightweight និង Welterweight បានរងបរាជ័យទាំង២លើក សម្រាប់ការប្រកួតតទល់ជាមួយស្តេចប្រដាល់អាមេរិក Floyd Mayweather ដោយពិន្ទុកាលពីឆ្នាំ២០១៤ ពោលលើកទីមួយនៅខែឧសភា និងលើកទីពីរនៅខែកញ្ញា។
បើទោះមិនអាចឈ្នះការប្រកួតទាំងពីរលើកក៏ពិតមែន ប៉ុន្តែ Maidana បានដាល់ Mayweather ឱ្យជ្រុះធ្មេញនៅក្នុងជំនួបលើកទីពីររបស់ពួកគេ ដែលឡើងក្នុង MGM Grand Garden Arena នៅទីក្រុងឡាសវេហ្គាស សហរដ្ឋអាមេរិក។
Maidana បានថ្លែងថា «វាដែលធ្លាប់មានពីមុនសម្រាប់ខ្ញុំ។ វាពិតជាការវាយប្រហារដ៏អស្ចារ្យ ដែលទទួលបានការចាប់អារម្មណ៍យ៉ាងខ្លាំង សម្រាប់អាជីពរបស់ខ្ញុំ។ ពីព្រោះគេគឺជាអ្នកប្រដាល់ដ៏ខ្លាំង និងអស្ចារ្យម្នាក់»។
បញ្ជាក់ជូនថា ចាប់តាំងពីរងបរាជ័យក្រោមថ្វីដៃរបស់ Mayweather កាលពីឆ្នាំ២០១៤មក Maidana មិនដែលមានការប្រកួតទៀតឡើយ រហូតដល់ខែសីហា ឆ្នាំ២០១៦ គេក៏បានសម្រេចប្រកាសចូលនិវត្តន៍តែម្តង៕ (ដកស្រង់ចេញពី SPORTbible)
ចែករំលែកព័តមាននេះ