អ្នកចាំទីជម្រើសជាតិឡាវម្នាក់រងបំរាមអស់មួយជីវិតពី AFC
អន្តរជាតិ ៖ យោងតាមការចុះផ្សាយពី South China Morning Post បានឱ្យដឹងថា អ្នកចាំទីក្រុមបាល់ទាត់ជម្រើសជាតិឡាវ Thipphonexay…
អន្តរជាតិ ៖ យោងតាមការចុះផ្សាយពី South China Morning Post បានឱ្យដឹងថា អ្នកចាំទីក្រុមបាល់ទាត់ជម្រើសជាតិឡាវ Thipphonexay…
អន្តរជាតិ ៖ យោងតាមការចុះផ្សាយពី South China Morning Post បានឱ្យដឹងថា អ្នកចាំទីក្រុមបាល់ទាត់ជម្រើសជាតិឡាវ Thipphonexay Inthavongsa ត្រូវហាមឃាត់អស់មួយជីវិតមិនឱ្យពាក់ព័ន្ធនឹងបាល់ទាត់ ពីសហព័ន្ធបាល់ទាត់ទ្វីបអាស៊ី (AFC) បន្ទាប់ពីមានការស៊ើបអង្កេតលើករណីរៀបចំលទ្ធផលទុកជាមុន។
AFC បានធ្វើការបញ្ជាក់ឱ្យដឹងថា Inthavongsa ត្រូវបានរកឃើញថាមានពិរុទ្ធពីបទ សមគំនិតក្នុងការរៀបចំលទ្ធផលទុកជាមុននៃការប្រកួតលក្ខណៈមិត្តភាពអន្តរជាតិ រវាងក្រុមជម្រើសជាតិហុងកុងទល់នឹងក្រុមជម្រើសជាតិឡាវ កាលពីថ្ងៃទី៥ ខែតុលា ឆ្នាំ២០១៧ កន្លងទៅ។
អ្នកចាំទីរូបនេះ បានក្លាយជាសមាជិកក្រុមជម្រើសជាតិឡាវទី៣ ដែលត្រូវបានហាមឃាត់អស់មួយជីវិត ទាក់ទងនឹងការចាញ់ក្រុមម្ចាស់ផ្ទះហុងកុង ដោយលទ្ធផលលទ្ធផល ៤-០ នៅឯកីឡដ្ឋាន Mong Kok។ ខណៈមិត្តរួមក្រុមរបស់គេគឺកីឡាករ Khampheng Sayavutthi និងកីឡាករ Lembo Saysana ត្រូវបានហាមឃាត់ដូចគ្នាកាលពីខែកុម្ភៈ។
ដោយមិនខុសគ្នាទៅនឹងការហាមឃាត់កាលពីខែកុម្ភៈ AFC បានជូនដំណឹងនេះ ដល់សហព័ន្ធកីឡាបាល់ទាត់ប្រទេសឡាវ នឹងស្នើដល់ FIFA ដើម្បីធ្វើឱ្យការហាមឃាត់នេះ ក្លាយជាលក្ខណៈពិភពលោកតែម្តង៕
ចែករំលែកព័តមាននេះ