ខេត្តស្ទឹងត្រែង ៖ រមណីយដ្ឋានទេសចរណ៍ធម្មជាតិ «ព្រះនិមិត្ត ឬទឹកធ្លាក់សុភ័គ្រមិត្ត» ត្រូវបានចាត់ទុកថា គឺជារមណីដ្ឋានដ៏ស្រស់ស្អាតនៃជួរទឹកធ្លាក់លើជ្រលងថ្ម ដែលមានការចាប់អារម្មណ៍ខ្ពស់ពីសំណាក់ភ្ញៀវជាតិ និងអន្តរជាតិជាច្រើនកុះករ ដែលបច្ចុប្បន្នតំបន់ទេសចរណ៍មួយនេះ…
ខេត្តស្ទឹងត្រែង ៖ រមណីយដ្ឋានទេសចរណ៍ធម្មជាតិ «ព្រះនិមិត្ត ឬទឹកធ្លាក់សុភ័គ្រមិត្ត» ត្រូវបានចាត់ទុកថា គឺជារមណីដ្ឋានដ៏ស្រស់ស្អាតនៃជួរទឹកធ្លាក់លើជ្រលងថ្ម ដែលមានការចាប់អារម្មណ៍ខ្ពស់ពីសំណាក់ភ្ញៀវជាតិ និងអន្តរជាតិជាច្រើនកុះករ ដែលបច្ចុប្បន្នតំបន់ទេសចរណ៍មួយនេះ នៅតែឈានមុខគេលើតំបន់ទេសចរណ៍នានាទូទាំងខេត្ត បើទោះបីកូវីដ១៩នៅតែគំរាមកំហែងដល់ប្រជាពលរដ្ឋក្តី។
ទឹកធ្លាក់ព្រះនិមិត្ត ដោយសារតែមានសម្រស់ទាក់ទាញដល់ភ្ញៀវជាតិ និងអន្តរជាតិ ក្រុមហ៊ុនមួយបានអភិវឌ្ឍន៍វិស័យទេសចរណ៍ថែមទៀត ដោយបានរៀបចំឡើងបន្ថែមលើសក្តានុពល ដើម្បីទទួលបានការទាក់ទាញពីភ្ញៀវទេសចរមកលេងបានច្រើននៅឆ្នាំ២០២០ ក្នុងគោលដៅគាំទ្រវិស័យទេសចរណ៍ក្នុងប្រទេសកម្ពុជា ។
រមណីយដ្ឋានទេសចរណ៍ សុភ័គ្កមិត្ត នេះស្ថិតនៅក្នុងតំបន់ភូមិសាស្ត្រ ក្នុងភូមិកំពុងស្រឡៅ ស្រុកឆែប ខេត្តព្រះវិហារ ជាប់ទឹកដីឃុំព្រះរំកិល ខេត្តស្ទឹងត្រែង។ តំបន់ទេសចរណ៍មួយនេះ បច្ចុប្បន្នត្រូវបានអភិវឌ្ឍន៍យ៉ាងរហ័សមានទាំងការតុបតែងអមជាមួយធម្ម ជាតិដ៏សំបូរបែប ។
ជាមួយគ្នានេះដែរ លោកឧត្តមសេនីយ៍ឯក គង់ អៀង នាយរងនាយកដ្ឋានវិស្វកម្មក្រសួង ការពារជាតិបានមានប្រសាសន៍ថា ប្រទេសកម្ពុជា មានធនធានធម្មជាតិល្អប្រណីត ដែលជាសក្តានុពលផ្តល់អាទិភាពសម្រាប់ធ្វើការអភិវឌ្ឍន៍វិស័យទេសចណ៍ ទាំងនេះជាមោទនភាពដែលមិនអាចកាត់ថ្លៃបាន ដូចនេះប្រជាពលរដ្ឋយើងត្រូវតែរួមគ្នាអភិរក្ស និងអភិវឌ្ឍន៍។
លោកមានប្រសាសន៍ទៀតថា វិស័យទេសចរណ៍រាជរដ្ឋាភិបាល ក៏ដូចជាក្រសួងទេសចរណ៍បានលើកទឹកចិត្តឱ្យវិស័យឯកជនចូលរូមអភិវឌ្ឍន៍ ដើម្បីប្រែក្លាយតំបន់នីមួយៗឱ្យទៅជាតំបន់មានភាពរីកចំរើនផ្នែកសេដ្ឋកិច្ចជាតិផងដែរ។ លោកបានគាំទ្រចំពោះក្រុមហ៊ុនដែលអភិវឌ្ឍន៍វិស័យទេសចរណ៍ ដោយរៀបចំជារមណីយដ្ឋានទឹកធ្លាក់ (ព្រះនិមិត្ត ឬទឹកធ្លាក់សុភ័គ្កមិត្ត ) នេះ បានល្អទាំងហេដ្ឋារចនាសម្ព័ន្ធ ភោជនីយដ្ឋាន អាហាដ្ឋាន កន្លែងស្នាក់នៅបានរួចរាល់សម្រាប់បំរើសេវាកម្មទេសច ណ៍ទៅតាមស្តង់ដាដូចដែលក្រសួង ទេសចរណ៍បានណែនាំធ្វើឱ្យភ្ញៀវពេញចិត្តមកទស្សនាសម្បត្តិធនធានធម្មជាតិនៅលើទឹកដីនៃខេត្តភូមិភាគឥសាន្ត ។
លោក នាង ឡៅ អ្នកលក់វត្ថុអនុស្សាវរីយ៍នៅរមណីយដ្ឋាន (ព្រះនិមិត្ត) បានពេញចិត្តចំពោះក្រុមហ៊ុនរៀបចំរមណីយដ្ឋាននេះបានស្អាត ពេលភ្ញៀវមកលេងបានស្គាល់សម្បត្តិដ៏មានតម្លៃ ដែលប្រទេសកម្ពុជាយើងមាន។ លោកថា នេះជាសម្បត្តិរបស់ខ្មែរយើង ហើយរាជរដ្ឋាភិបាលបានធ្វើផ្លូវស្ពានស្រួលធ្វើដំណីរមកដល់តំបន់នេះភ្ញៀវទេសចរពេញចិត្តមិនចាំបាច់ចូលទៅលេងប្រទេសឡាវទៀតឡើយ។
លោក ស្រី សួគឹមហៀង ជាអ្នកលក់អាហារនៅរមណីយដ្ឋាននេះបានលើកឡើងថា តំបន់ទេសចរណ៍ធម្មជាតិនេះ មានទេសភាពល្អ ដូចជាធនធានជីវចំរុះ ទឹកធ្លាក់ពីលើថ្ម ផ្ទាំងថ្មធំៗមើលសត្វស្លាប កន្លែងថតរូបអនុស្សាវរីយ៍ និងមានកន្លែងខ្លះអាចចុះលេងទឹកបាននៅរដូវប្រាំង។
ស្រី្តដដែលនេះបន្តថា ឆ្នាំ២០២០នេះ គាត់សង្កេតឃើញថា ការរៀបចំឡើងរបស់អ្នកវិនិយោគធ្វើការអភិវឌ្ឍបានច្រើន ចំណែកភ្ញៀវជាតិបានមកទស្សនាជាហូរហែបង្កឱកាសដល់ពួកគាត់លក់ដូរបានប្រាក់ដោះស្រាយជីវភាព និងកូនចៅបានទៅរៀនសូត្រ ដោយមិនចាំបាច់ទៅធ្វើកម្មករស៊ីឈ្នួលលក់កម្លាំងពលកម្មដូចមុនៗទេ។
សូមបញ្ជាក់ថា នៅរមណីយដ្ឋានទឹកធ្លាក់ (ព្រះនិមិត្ត ឬទឹកធ្លាក់សុភ័គ្កមិត្ត) នេះ ក្រៅពីទស្សនាទឹកធ្លាក់ ក៏អាចទៅទស្សនាព្រះពុទ្ធរូប ចៅអធិការវត្តសម័យដើមជាជិត១០០អង្គបានផងដែរ៕
ចែករំលែកព័តមាននេះ