ខេត្តបន្ទាយមានជ័យ ៖ ភាគីថៃបានធ្វើការបញ្ជូនសពជនរងគ្រោះម្នាក់ និងពលករជាង៣០នាក់ត្រឡប់តាមច្រកទ្វារអន្តរជាតិប៉ោយប៉ែត កាលពីព្រឹក និងរសៀល ថ្ងៃទី៣១ កក្កដា ២០២០ក្រោយស្លាប់ និងចាប់ខ្លួនលើទឹកដីថៃ…
ខេត្តបន្ទាយមានជ័យ ៖ ភាគីថៃបានធ្វើការបញ្ជូនសពជនរងគ្រោះម្នាក់ និងពលករជាង៣០នាក់ត្រឡប់តាមច្រកទ្វារអន្តរជាតិប៉ោយប៉ែត កាលពីព្រឹក និងរសៀល ថ្ងៃទី៣១ កក្កដា ២០២០ក្រោយស្លាប់ និងចាប់ខ្លួនលើទឹកដីថៃ ។
ជនរងគ្រោះដែលស្លាប់លើទឹកដីថៃ ជាករណីគ្រោះថ្នាក់ចរាចរណ៍ជិះម៉ូតូបុកគល់ឈើនៅខេត្តសាគុនណាខន ។ ជនរងគ្រោះឈ្មោះឈួន ហួន ភេទប្រុស អាយុ៥០ឆ្នាំ ជាកម្មករសំណង់ ក្នុងខេត្តកើតហេតុខាងលើ និងមានទីលំនៅភូមិតាសល់ ឃុំចំណោម ស្រុកមង្គលបូរី ខេត្តបន្ទាយមានជ័យ ។
ដោយឡែកនៅរសៀលថ្ងៃដដែល ពលករចំនួន៣១នាក់ ស្រី១១នាក់ និងកុមារ៣នាក់ ត្រូវបានភាគីថៃបញ្ជូនតាមរថយន្តទ្រុងមកឲ្យសមត្ថកិច្ចកម្ពុជានៅច្រកទ្វារអន្តរជាតិប៉ោយប៉ែតក្រោយចាប់ខ្លួនលើទឹកដីគេ ។
សមត្ថកិច្ចនៅមាត់ច្រកទ្វារអន្តរជាតិប៉ោយប៉ែតមិនបានប្រាប់លម្អិតថា តើពលករទាំងនេះគេចាប់ដោយសាមូលហេតុអ្វីលើដីថៃនោះទេ បន្ទាប់មកគេបញ្ជូនពលករទាំង៣១នាក់ ទៅកាន់មណ្ឌលសំចតនៃក្រសួងសង្គមកិច្ច ដែលមានទីតាំងក្នុងសង្កាត់ផ្សារកណ្តាល ក្រុងប៉ោយប៉ែត ដើម្បីពិនិត្យសុខភាព ៕
ចែករំលែកព័តមាននេះ