ប្រទេសវៀតណាម ៖ ព្រឹកថ្ងៃទី៣១ កក្កដា ក្រសួងសុខាភិបាលវៀតណាម ប្រកាសពីការលេច
ចេញ អ្នកឆ្លងវីរុស COVID-19 ថ្មី៤៥នាក់ទៀតនៅដាណាង ដែលនោះជាថ្ងៃដែលមានអ្នកឆ្លងក្នុងស្រុកច្រើនបំផុតក្នុង១ថ្ងៃ ។
ក្រសួងនោះអះអាងថា អ្នកឆ្លងថ្មីទាំង៤៥នាក់ ត្រូវបានរកឃើញនៅដាណាង ។ ចាប់តាំងពីថ្ងៃទី
២៥ កក្កដា មក គេរកឃើញអ្នកឆ្លងវីរុសថ្មី៩៣នាក់ ក្នុងប្រទេសនៅអាស៊ីអាគ្នេយ៍ននេះ ក្នុងនោះ៧៩នាក់នៅដាណាង ៨នាក់នៅខេត្តក្វាងណាម ២នាក់នៅក្រុងហាណូយ២នាក់ នៅក្រុងហូជីមិញម្នាក់នៅខេត្តក្វាងង៉ាយ និងម្នាក់នៅខេត្តដាក់ឡាក់ ។
សរុបនៅវៀតណាមមានអ្នកឆ្លងវីរុស៥០៩នាក់ គ្មានអ្នកស្លាប់ និងព្យាបាលជា៣៧៣នាក់ ៕ ដកស្រង់ចេញពីវេបសាយ ៖ lepetitjournal (កែសម្រួលដោយ ៖ បុប្ផា)
ចែករំលែកព័តមាននេះ